మెగా ఇంటి కోడలు, మహిళా వ్యాపారవేత్త అయినా ఉపాసన కొణిదెల తన స్నేహితురాలు, కూచిపూడి డాన్సర్ సంధ్యా రాజు నటిస్తోన్న తొలి సినిమా నాట్యం ఫస్ట్లుక్ను విడుదల చేశారు.ప్రముఖ కూచిపూడి నాట్యకారిణి సంధ్యారాజు ప్రధానపాత్రలో తెరకెక్కుతున్న ఈ చిత్రంలో కూడా ఆమె నాట్యకారిణి పాత్రలో నటిస్తుందని సమాచారం.
కాగా శనివారం ట్విటర్ వేదికగా విడుదల చేసిన ‘నాట్యం’ ఫస్ట్లుక్ నెటిజన్లను ఆకర్షిస్తోంది.
ఇకపోతే ఈ సినిమాతో చిత్రపరిశ్రమలోకి అడుగుపెడుతున్న తన స్నేహితురాలు సంధ్యా రాజును ప్రేక్షకులకు పరిచయం చేస్తున్నానని పేర్కొంటూ ఈ మూవీ టైటిల్ తనకు బాగా నచ్చిందని ఉపాసన ట్వీట్ చేశారు.
ఇక కధ విషయానికి వస్తే.నాట్య కళాకారిణిగా రాణించాలనే ఆశయాన్ని వివాహం తర్వాత ఎన్నో అడ్డంకులను ఎదిరించి, చివరికి ఆ లక్ష్యాన్ని చేరుకున్న యువతి కధ నేపథ్యంలో ఈ చిత్రం సాగనుందట.
కమల్ కామరాజ్, శుభలేఖ సుధాకర్, భానుప్రియ ఇతర ప్రధాన పాత్రలలో నటిస్తుండగా ఈ చిత్రానికి రేవంత్ కోరుకొండ దర్శకత్వం వహిస్తున్నారట.