ముడతల నివారణకు...ఫ్రూట్ మరియు వెజిటెబుల్ ప్యాక్స్  

  • ఈ రోజుల్లో మారిన జీవనశైలి కారణంగా వయస్సుతో సంబంధం లేకుండా ప్రతిఒక్కరు ముడతలతో ఇబ్బంది పడుతున్నారు. ఈ సమస్య నివారణకు మనకు అందుబాటులో ఉండే పండ్లు మరియు కూరగాయలు చాలా బాగా సహాయపడతాయి. వాటితో ప్యాక్స్ తయారుచేసుకొని ముడతలను నివారించవచ్చు.

  • కుకుంబర్ టానిక్

  • కీరదోస కాయను తురిమి రసం తీసుకోవాలి. స్పూన్ కీరదోస రసంలో పావు స్పూన్ నిమ్మరసం,పావు స్పూన్ పన్నీరు కలిపి చర్మానికి పట్టించాలి. ఆరిన తర్వాత చల్లని నీటితో కడగాలి.

  • క్లిన్సింగ్ లోషన్

  • ఒక స్పూన్ పాలలో ఒక స్పూన్ కీరదోస రసం,పావు స్పూన్ నిమ్మరసం కలిపి ముఖానికి,మెడకు రాసి కాటన్ తో శుభ్రంగా తుడిచేయాలి. ఇది చర్మ రంద్రాలను శుభ్రపరుస్తుంది.

  • క్యాబేజీ మాస్క్

  • రెండు క్యాబేజి ఆకులను తురిమి లేదా గ్రైండ్ చేసి రసం తీసుకోవాలి. ఈ రసంలో పావు స్పూన్ ఈస్ట్ లేదా పుల్లటి పెరుగు, ఒక స్పూన్ తేనే కలిపి ముఖానికి,మెడకు రాయాలి. పావుగంట తర్వాత నీటితో ముంచిన కాటన్ బాల్ సాయంతో తుడవాలి. ఈ ప్యాక్ ముడతలను తగ్గించి చర్మం మృదువుగా ఉండేలా చేస్తుంది.