నేచురల్ స్టార్ నాని నటిస్తున్న లేటెస్ట్ మూవీ ‘టక్ జగదీష్’ ఇప్పటికే షూటింగ్ పనులు ముగించుకుని రిలీజ్‌కు రెడీ అయ్యింది.దర్శకుడు శివ నిర్వాణ తెరకెక్కిస్తున్న ఈ సినిమాలో నాని చాలా స్టైలిష్‌గా టక్ వేసుకుని కనిపిస్తున్నాడు.
ఇప్పటికే రిలీజ్ అయిన ఈ సినిమా పోస్టర్స్‌తో ఈ సినిమాపై ప్రేక్షకుల్లో మంచి అంచనాలు క్రియేట్ అయ్యాయి.ఇక ఈ సినిమాకు సంబంధించిన టీజర్‌ను చిత్ర యూనిట్ తాజాగా రిలీజ్ చేశారు.
ఈ టీజర్ చూస్తుంటే నాని ఈసారి సాలిడ్ హిట్ కొట్టేందుకు రెడీ అయ్యాడని చెప్పొచ్చు. ఇక ఈ టీజర్ మొత్తం హీరో పాత్రకు సంబంధించిన ఎలివేషన్ సాంగ్‌తో ప్రేక్షకులకు చూపించారు చిత్ర యూనిట్.
ఈ సినిమాలో నాని ఓ పెద్ద ఫ్యామిలీకి చెందినవాడిగా మనకు కనిపిస్తున్నాడు.ఇక నాని అన్నయ్యగా జగపతిబాబు నటిస్తుండగా, కుటుంబ సభ్యుల పాత్రల్లో చాలా మంది నటీనటులు ఉన్నారు.
కాగా అందాల భామ ఐశ్వర్యా రాజేష్ ఈ సినిమాలో నాని మరదలి పాత్రలో నటిస్తున్నట్లు మనకు కనిపిస్తుంది.ఇక హీరోయిన్‌గా అందాల భామ రీతూ వర్మ ఈ సినిమాలో అదిరిపోయే పర్ఫార్మెన్స్ ఇస్తున్నట్లు తెలుస్తోంది.
అంతేగాక ఆమెను ప్రేమించే క్రమంలో నానికి ఎలాంటి సమస్యలు ఎదురయ్యాయా అనే అంశాలను కూడా మనకు ఈ సినిమాలో చూపించబోతున్నారు. మొత్తంగా ఓ పక్కా ఫ్యామిలీ ఎంటర్‌టైనర్ కధతో నాని ఈ సారి ప్రేక్షకులను మెస్మరైజ్ చేసేందుకు రెడీ అవుతున్నట్లు ఈ టీజర్ చూస్తుంటే మనకు తెలుస్తోంది.
ఇక ఈ సినిమాకు థమన్ మరోసారి అదిరిపోయే సంగీతం అందిస్తున్నట్లు ఈ టీజర్‌లోని పాట వింటే తెలుస్తోంది.కాగా ఈ సినిమాలో నాని పాత్ర ప్రేక్షకులను మెప్పించే విధంగా ఉంటుందని, ఈ సినిమాలో నాని పవర్‌ప్యాక్ పర్ఫార్మెన్స్ చూపిస్తున్నట్లు చిత్ర యూనిట్ అంటోంది.
వేసవి కానుకగా రిలీజ్ అవుతున్న ఈ సినిమాతో నాని ఖచ్చితంగా హిట్ అవుతుందని చిత్ర యూనిట్ ధీమా వ్యక్తం చేస్తోంది.
