నేచురల్ స్టార్ నాని నటించిన లేటెస్ట్ మూవీ ‘వి’ ఇటీవల రిలీజైన సంగతి తెలిసిందే.ఈ సినిమాను నేరుగా ఓటీటీలో రిలీజ్ చేయగా దానికి మిశ్రమ స్పందన లభించింది.
అయితే ఈ సినిమా రిజల్ట్తో కాస్త అప్సెట్ అయిన నాని, ప్రస్తుతం తన నెక్స్ట్ మూవీ ‘టక్ జగదీష్’ను తెరకెక్కించేందుకు రెడీ అవుతున్నాడు.ఈ క్రమంలోనే టక్ జగదీష్ చిత్రాన్ని వీలైనంత త్వరగా పూర్తి చేయాలని చిత్ర యూనిట్ భావిస్తోంది.
ఈ క్రమంలోనే టక్ జగదీష్ చిత్ర షూటింగ్ను తిరిగి ప్రారంభించింది.అంతేగాక నవంబర్ చివరినాటికి ఈ సినిమాను పూర్తి చేయాలని చిత్ర యూనిట్ భావిస్తోంది.ఈ సినిమాను ఎలాగైనా సంక్రాంతి పండుగ సీజన్లో రిలీజ్ చేస్తే ప్రేక్షకులను మెప్పించడం ఖాయమని చిత్ర యూనిట్ యోచిస్తోంది.అయితే సంక్రాంతి బరిలో పలు భారీ చిత్రాలు రిలీజ్కు రెడీగా ఉండటంతో ఈ సినిమా ఎలాంటి పోటీని ఇవ్వగలదని పలువురు క్రిటిక్స్ భావిస్తున్నారు.
ఈ సినిమాను పూర్తి ఫ్యామిలీ ఎంటర్టైనర్గా దర్శకుడు శివ నిర్వాణ తెరకెక్కిస్తుండటంతో ఈ సినిమాపై ప్రేక్షకుల్లో మంచి అంచనాలు క్రియేట్ అయ్యాయి.ఇక ఈ సినిమాలో నాని పాత్ర చాలా వైవిధ్యంగా ఉంటుందని చిత్ర వర్గాల్లో ఎప్పటినుండో వార్తలు వినిపిస్తున్నాయి.
ఈ సినిమాను ప్రేక్షకులు మెచ్చే విధంగా తీర్చిదిద్దుతున్నట్లు చిత్ర యూనిట్ ఇప్పటికే ప్రకటించిన సంగతి తెలిసిందే.కాగా ఈ సినిమాలో నాని సరసన రీతూ వర్మ, ఐశ్వర్యా రాజేష్లు హీరోయిన్లుగా నటిస్తున్నారు.
ఈ సినిమాను ‘మజిలీ’ చిత్ర నిర్మాతలు సాహు గరపాటి, హరీష్ పెద్ది ప్రొడ్యూస్ చేస్తుండటంతో మరోసారి మజిలీ తరహా కాంబినేషన్ హిట్ రావడం ఖాయమని చిత్ర యూనిట్ భావిస్తోంది.మరి ఈ సినిమాతో నాని ఎలాంటి విజయాన్ని అందుకుంటాడో తెలియాలంటే మాత్రం మరికొన్ని రోజులు ఆగాల్సిందే.