నేచురల్ స్టార్ నాని నటిస్తున్న లేటెస్ట్ మూవీ ‘వి’ ఇప్పటికే షూటింగ్ ముగించుకుని రిలీజ్‌కు రెడీగా ఉంది.ఈ సినిమాను పూర్తి సస్పెన్స్ థ్రిల్లర్‌గా వస్తుండటంతో ఈ సినిమాలో నాని ఎలాంటి పాత్రలో నటిస్తున్నాడా అని అందరూ ఆసక్తిగా ఎదురుచూస్తున్నారు.
కాగా ఈ సినిమాలో మరో యంగ్ హీరో సుధీర్ బాబు కూడా నటిస్తుండటంతో ఈ సినిమాపై ప్రేక్షకుల్లో మంచి అంచనాలు క్రియేట్ అయ్యాయి.అయితే ఈ సినిమా తరువాత నాని తన నెక్ట్స్ మూవీని శివా నిర్వాణ దర్శకత్వంలో తెరకెక్కిస్తున్నాడు.
‘టక్ జగదీష్’ అనే టైటిల్‌తో రాబోతున్న ఈ సినిమా షూటింగ్‌ను ఇప్పటికే ప్రారంభించిన చిత్ర యూనిట్, ప్రస్తుత పరిస్థితులు చక్కబడగానే తిరిగి తమ షూటింగ్‌ను ప్రారంభించాలని చూస్తోంది.కాగా ఈ సినిమాలో నాని ఓ అరుదైన వ్యాధితో బాధపడుతున్న పాత్రలో నటిస్తున్నాడట.
బైపోలార్ డిజార్డర్ అనే వ్యాధితో నాని ఈ సినిమాలో కనిపిస్తాడని తెలుస్తోంది.భాగోద్వేగాలు ఎక్కువైనప్పుడు వింతగా ప్రవర్తించడమే ఈ వ్యాధి లక్షణాలు.
ఇలా తనకు ఎమోషన్స్ ఎక్కువైనప్పుడు నాని ఏం చేస్తాడనేది ఈ సినిమాలో చూపించనున్నారు.
ఇక ఈ పాత్రలో నాని తనలోని నటుడిని మరోసారి మనకు చూపించేందుకు రెడీ అయ్యాడని, ఆయన ఈ పాత్రలో జీవించేస్తున్నాడని చిత్ర యూనిట్ అంటోంది.
పూర్తి ఫ్యామిలీ ఎంటర్‌టైనర్‌గా ఈ సినిమాను దర్శకుడు తీర్చిదిద్దుతుండగా, ఈ సినిమాలో రీతూ వర్మ, ఐశ్వర్యా రాజేష్‌లు హీరోయిన్లుగా నటిస్తున్నారు.మరి ఈ సినిమాలో నాని పర్ఫార్మెన్స్ ఎలా ఉండబోతుందో తెలియాలంటే మాత్రం సినిమా రిలీజ్ అయ్యే వరకు ఆగాల్సిందే.
