నేచురల్ స్టార్ నాని ఇటీవల ‘వి’ చిత్రంతో ప్రేక్షకుల ముందుకు వచ్చాడు.అయితే ఈ సినిమా పెద్దగా ప్రేక్షకులను పెద్దగా మెప్పించకపోవడంతో, నాని ప్రస్తుతం తన నెక్ట్స్ చిత్రాల కోసం రెడీ అవుతున్నాడు.
ఇప్పటికే టక్ జగదీష్ చిత్రంతో ప్రేక్షకులు ముందుకు వచ్చేందుకు రెడీ అవుతున్నాడు.ఇక ఈ సినిమా పూర్తి కాకముందే తన నెక్ట్స్ చిత్రాన్ని కూడా ఓకే చేశాడు నాని.
దర్శకుడు వివేక్ ఆత్రేయ దర్శకత్వంలో ‘అంటే… సుందరానికీ’ అనే టైటిల్తో ఓ సినిమా చేసేందుకు రెడీ అయ్యాడు.
ఈ సినిమాను పూర్తి కామెడీ ఎంటర్టైనర్గా తీర్చిదిద్దేందుకు నాని సిద్ధమయ్యాడు.
కాగా ఈ సినిమాలో నాని సరసన మలయాళ బ్యూటీ నజ్రియా ఫహద్ హీరోయిన్గా నటించనున్నట్లు చిత్ర యూనిట్ అనౌన్స్ చేసింది.ఇక ఈ సినిమాను అతి త్వరలో పట్టాలెక్కించేందుకు చిత్ర యూనిట్ ప్లాన్ చేస్తోంది.
కాగా ఈ సినిమాకు సంబంధించిన థియేట్రికల్, నాన్-థియేట్రికల్ రైట్స్ను జీ గ్రూప్ సొంతం చేసుకున్నట్లు ఫిలింనగర్లో వార్తలు వినిపిస్తున్నాయి.ఈ సినిమా హక్కులను ఏకంగా రూ.55 కోట్ల భారీ డీల్కు జీ గ్రూప్ దక్కించుకున్నట్లు తెలుస్తోంది.మొత్తానికి షూటింగ్ కూడా మొదలుకాని ఈ సినిమా హక్కులను అప్పుడే ఇంత భారీ మొత్తానికి సొంతం చేసుకోవడం ప్రస్తుతం టాక్ ఆఫ్ ది టౌన్గా మారింది.
ఇక ఈ సినిమాను మైత్రీ మూవీ మేకర్స్ వారు ప్రొడ్యూస్ చేస్తుండటంతో ఈ సినిమాపై భారీ అంచనాలు క్రియేట్ అయ్యాయి.కాగా ఈ సినిమాలో నాని చేయబోయే కామెడీ రోల్ సినిమాను మరో లెవెల్కు తీసుకెళ్లనున్నట్లు తెలుస్తోంది.
ఈ సినిమాతో నాని కామెడీ జోనర్ చిత్రాల్లో సరికొత్త ట్రెండ్ సృష్టిస్తాడని చిత్ర యూనిట్ ధీమా వ్యక్తం చేస్తోంది.మరి అంటే సుందరానికి చిత్రం హక్కులు నిజంగానే అమ్ముడయ్యాయా అనే విషయంపై అధికారిక ప్రకటన రావాల్సి ఉంది.