తాజాగా అక్కినేని సమంతకు తన మామ అక్కినేని నాగార్జున బెస్ట్ విషెస్ తెలియజేశాడు.అక్కినేని వారసుడు నాగచైతన్య ను ప్రేమించి వివాహం చేసుకుంది సమంత.
సమంత నాగచైతన్య పెళ్లి జరిగినప్పటి నుంచి ఒకవైపు సినిమాలలో విజయం సాధిస్తూనే, మరోవైపు కుటుంబానికి తగ్గట్టుగానే బిజినెస్ లో దూసుకెళ్తుంది.చైతన్య తో పెళ్లి జరిగిన తర్వాత ఇద్దరూ కలిసి మొదటగా మజిలీ సినిమా లో సక్సెస్ సాధించినా, ఆ తర్వాత సమంత సోలోగా ‘ ఓ బేబీ’ సినిమా హిట్ తన ఖాతాలో వేసుకుంది.
ఒక వైపు అక్కినేని హీరోలు హిట్ కోసం తీవ్ర ప్రయత్నాలు చేస్తూ ఉంటే సమంత మాత్రం సులువుగా సక్సెస్ ను తన ఖాతాలో వేసుకుని వెళ్తుంది.
ఇక ఇదివరకే సమంత తన స్నేహితులతో కలిసి హైదరాబాద్ లోని జూబ్లీహిల్స్ ప్రాంతంలో ఫ్రీ స్కూల్ స్టార్ట్ చేసింది.
ఇక ఇది పక్కన పెడితే.తాజాగా అక్కినేని సమంత వస్త్ర వ్యాపార రంగంలోకి అడుగు పెట్టింది.
ఆ వ్యాపారానికి తన పేరును కలిసి వచ్చేలా ‘ సాకీ’ అనే బ్రాండెడ్ మహిళల ఫ్యాషన్ వస్త్రాలను లాంచ్ చేసింది.అయితే ఇది వరకే దీనికి సంబంధించి బ్రాండ్ ను సోషల్ మీడియాలో అభిమానులకు పరిచయం కూడా చేసింది.
ఇందుకు సంబంధించి సమంత తన ట్విట్టర్ ద్వారా ‘ కొత్తగా కనిపించాలని ప్రతి ఒక్కరికి ఉంటుంది.దానికి సరైన వేదిక సాకీ బ్రాండ్’ అంటూ సమంత చేసిన ప్రచారం ఆమె అభిమానులతోపాటు మామూలు ప్రజలు కూడా బాగానే చేరింది.
నేడు సమంత ఈ బ్రాండ్ ను ప్రజల్లోకి అందుబాటులోకి తీసుకువచ్చింది.ఇలా సమంత ప్రారంభించిన కొత్త వ్యాపారాన్ని మూడు పువ్వులు ఆరుకాయలుగా వర్ధిల్లాలని కోరుకుంటున్నట్లు కోడలుకు ఆల్ ది బెస్ట్ విషెస్ తెలియజేశాడు కింగ్ నాగార్జున.
నువ్వు మొదలు పెట్టిన వ్యాపారంలో తప్పక రాణిస్తావు అని విషెస్ కూడా తెలిపాడు.ఇలా విషెస్ తెలిపిన నాగార్జునకు సమంత ‘థాంక్యూ మామ.’ అని రిప్లై కూడా ఇచ్చింది.ప్రస్తుతం కొత్త వ్యాపారంలోకి అడుగు పెట్టిన నాగచైతన్య, సమంత కు వారి అభిమానులతో పాటు నెటిజన్లు కూడా శుభాకాంక్షలు తెలియజేశారు.
