ఊహలు గుసగుసలాడే సినిమాతో తెలుగు సినీ పరిశ్రమకు హీరోగా పరిచయం అయినటువంటి నాగ శౌర్య గురించి పెద్దగా పరిచయం చేయవలసిన అవసరం లేదు.అయితే చలో సినిమాతో తెలుగు ప్రేక్షకుల్లో తనకంటూ ఓ ముద్ర వేసుకున్నాడు నాగ శౌర్య.
అయితే ఆ తర్వాత సరైన హిట్ లేక పోవడంతో తన ఉనికిని చాటుకునేందుకు సినీ పరిశ్రమలో తీవ్రంగా శ్రమిస్తున్నారు నాగశౌర్య.
అయితే తాజాగా నాగశౌర్య ‘అశ్వథ్థామ’ అనే చిత్రంలో నటించాడు.
ఈ చిత్రం ప్రమోషన్ లో భాగంగా ఓ ప్రముఖ ఛానల్ నిర్వహించినటువంటి ఇంటర్వ్యూ లో పాల్గొన్నాడు.ఇందులో భాగంగా తన రాబోయే సినిమాలు మరియు ‘అశ్వథ్థామ’ చిత్ర విశేషాలు అభిమానులతో పంచుకున్నాడు.
అయితే ఇందులో భాగంగా నాగశౌర్య ఇప్పటికే ఒక మంచి ఫీల్ గుడ్ లవ్ స్టొరీ ని రాసుకున్నారని ఈ చిత్రాన్ని పట్టాలెక్కి ఇస్తానని చెప్పుకొచ్చాడు.అంతేగాక ఈ చిత్రంలో హీరోగా తాను నటించనని మరో హీరోతో ఈ చిత్రంలో నటింపజేసేందుకు ఇప్పటికే పలు సన్నాహాలు కూడా చేస్తున్నానని తెలిపాడు.అయితే ఇంతకీ ఆ హీరో ఎవర నేది మాత్రం నాగశౌర్య చెప్పలేదు.అయితే గతంలో కూడా పలు సందర్భాల్లో తాను దర్శకత్వం వైపు అడుగులు వేస్తున్నానని అందుకు సంబందించి కథను కూడా సిద్ధం చేసుకుంటున్నానని తెలిపిన సంగతి తెలిసిందే.
అయితే తాజాగా నటించినటువంటి అశ్వద్ధామ చిత్రం ఈ నెల 31వ తారీఖున ప్రపంచవ్యాప్తంగా విడుదలవుతోంది.ఈ చిత్రంలో నాగ శౌర్య సరసన టాలీవుడ్ గ్లామర్ క్వీన్ మెహరీన్ నటించింది.
తెలుగు వార్త విశేషాలు సులభముగా తెలుసుకోండి!!!!
