యంగ్ హీరో నాగశౌర్య వరుస సినిమాలు చేస్తూ బాక్సాఫీస్ వద్ద బిజీగా మారాడు.కాగా వరుసగా సినిమాలు చేస్తున్నా, ఫలితం మాత్రం అంతంత మాత్రంగా వస్తుండటంతో ఈ హీరో సినిమాలు ఎలాంటి కంటెంట్తో వస్తాయా అని అందరూ ఆసక్తిగా చూస్తున్నారు.
కాగా ఈ హీరో నటిస్తున్న సినిమాల్లో ప్రస్తుతం ఓ సినిమా ఇండస్ట్రీ వర్గాల్లో తెగ హల్చల్ చేస్తోంది.
గతంలో సుమంత్ హీరోగా తెరకెక్కిన సుబ్రహ్మణ్యపురం చిత్రం ప్రేక్షకులను అమితంగా ఆకట్టుకుంది.
ఈ సినిమాకు ప్రేక్షకులు మంచి మార్కులు వేసినా ఇది కమర్షియల్గా మాత్రం సక్సెస్ కాలేదు.దీంతో ప్రేక్షకులను మెప్పించేందుకు మరోసారి రెడీ అవుతున్నాడు ఈ చిత్ర డైరెక్టర్ సంతోష్ జాగర్లపూడి.
ఇందులో భాగంగా యంగ్ హీరో నాగశౌర్యతో ఓ సినిమా చేసేందుకు ఈ డైరెక్టర్ రెడీ అయ్యాడు.ఈ సినిమాలో పూర్తి స్పోర్ట్స్ బ్యాక్డ్రాప్తో తెరకెక్కించనున్నాడు ఈ డైరెక్టర్.
ఆర్చరీ నేపథ్యంలో ఈ సినిమా కథ ఉండనున్నట్లు తెలుస్తోంది.
ప్రేక్షకులను అన్ని విధాలా ఆకట్టుకునేలా ఈ కథను దర్శకుడు తెరకెక్కించనున్నట్లు తెలుస్తోంది.
అయితే ప్రస్తుతం కరోనా వైరస్ కారణంగా షూటింగ్లు జరగకపోవడంతో, పరిస్థితులు చక్కబడ్డాడక ఈ సినిమా షూటింగ్ను ప్రారంభించాలని చిత్ర యూనిట్ భావిస్తోంది.స్పోర్ట్స్ నేపథ్యంలో వచ్చే సినిమాలకు మంచి ఆదరణ ఉన్నా అవి కమర్షియల్గా మాత్రం సక్సెస్ కావడం లేదు.
మరి ఈ సినిమాతో నాగశౌర్య ఎలాంటి హిట్ అందుకుంటాడో చూడాలి అంటున్నారు ప్రేక్షకులు.