అక్కినేని హీరో నాగ చైతన్య ఈ మధ్య కాలంలో వరుస ఫ్లాప్ లతో సతమతం అవుతున్నాడు.కెరియర్ లో సరైన ప్లానింగ్ లేకుండా సినిమాలు చేయడం వలన రొటీన్ సినిమాలకే పరిమితం అయిపోయిన చైతు ఆడియన్స్ పల్స్ ని అందుకోలేక చతికిలపడుతున్నాడు.
అయితే ఈ సారి నిన్ను కోరే సినిమాతో క్లాసిక్ మూవీ తీసిన శివ నిర్వాణ దర్శకత్వంలో భార్య సమంతతో కలిసి మజిలీ అనే సినిమాతో ప్రేక్షకుల ముందుకి రావడానికి సిద్ధం అయ్యాడు .తాజాగా ఈ సినిమా ప్రీ రిలీజ్ ఈవెంట్ లో సినిమా ట్రైలర్ ని రిలీజ్ చేసారు.
స్టార్ హీరోయిన్ గా సమంత వరుస హిట్స్ తో దూసుకుపోతూ ఉంటే, మరో వైపు చైతు ఫ్లాప్ లతో సతమతమవుతూ ఉన్న టైంలో మళ్ళీ వీళ్ళిద్దరి కాంబినేషన్లో ఏమాయ చేసావే తరహాలో ఎమోషనల్ ఫ్యామిలీ లవ్ స్టొరీని శివ తెరపై ఆవిష్కరించాడు.భర్తని విపరీతంగా ప్రేమించే భార్య తనకోసం ఏదైనా చేయడానికి రెడీ అయ్యే పాత్రలో సమంత, జీవితంలో ఆటలోను, ప్రేమలోను ఓడిపోయి మానసికంగా క్రుంగిపోయిన హీరో పాత్రలో చైతు ఈ సినిమాలో కనిపిస్తున్నారు అని ట్రైలర్ చూస్తుంటే అర్ధమవుతుంది.
ఓ విధంగా చెప్పాలంటే ఇద్దరు భార్యాభర్తల ఎమోషనల్ ఫ్యామిలీ లవ్ స్టొరీగా దీనిని శివ ఆవిష్కరించాడు.మరి ఈ సినిమా చైతుకి ఎ మేరకు హిట్ ఇస్తుందో వేచి చూడాలి.
.