ప్రస్తుతం వరుస సినిమాలతో ఎంతో బిజీగా ఉన్న ప్రభాస్ నాగ్ అశ్విన్ దర్శకత్వంలో ప్రాజెక్ట్ కే(వర్కింగ్ టైటిల్) సినిమాకి గ్రీన్ సిగ్నల్ ఇచ్చిన సంగతి మనకు తెలిసిందే.ఈ క్రమంలోనే ఈ సినిమా షూటింగ్ ప్రారంభం కాగా ఇప్పటికే ఈ సినిమా షూటింగ్ లో అమితాబచ్చన్ పై చిత్రీకరించాల్సిన సన్నివేశాలకు సంబంధించి షూటింగ్ పూర్తి చేశారు.
ఇక ప్రస్తుతం ఈ సినిమా షూటింగ్ హైదరాబాద్లో చిత్రీకరణ జరుపుకుంటున్న నేపథ్యంలో ఈ సినిమా షూటింగులో గత వారం క్రితం దీపికా పదుకొనే జాయిన్ అయ్యారు.
ఈ క్రమంలోనే ప్రస్తుతం హైదరాబాద్ లో షూటింగ్ జరుపుకుంటున్న ఈ సినిమా షూటింగ్ లో ప్రభాస్ జాయిన్ అయ్యారు.
మొదటిసారిగా ప్రభాస్ ఈ సినిమా సెట్లోకి అడుగుపెట్టారు.ఈ షెడ్యూల్ పూర్తయ్యే వరకు ప్రభాస్ షూటింగ్ లో పాల్గొననున్నట్లు తెలుస్తోంది.
ప్రస్తుతం ఈ షెడ్యూల్ శరవేగంగా షూటింగ్ పనులను జరుపుకుంటోంది.నాగ్ అశ్విన్ దర్శకత్వంలో తెరకెక్కుతున్న ఈ చిత్రాన్ని వైజయంతీ మూవీస్ పథకంపై అశ్వినీదత్ నిర్మిస్తున్నారు.
ఇక ప్రభాస్ నటించిన రాధేశ్యామ్ వచ్చే ఏడాది సంక్రాంతి కానుకగా ప్రేక్షకుల ముందుకు రాబోతోంది.రాధాకృష్ణ దర్శకత్వంలో తెరకెక్కిన ఈ చిత్రంలో పూజా హెగ్డే కథానాయికగా నటిస్తున్నారు.ఇవే కాకుండా ప్రభాస్ ప్రశాంత్ నీల్ దర్శకత్వంలో సలార్, ఓం రౌత్ దర్శకత్వంలో ఆది పురుష్, సందీప్ రెడ్డి వంగా దర్శకత్వంలో స్పిరిట్ అనే చిత్రాలలో కూడా నటిస్తున్నారు.
తెలుగు వార్త విశేషాలు సులభముగా తెలుసుకోండి!!!!
