నందమూరి బాలకృష్ణ ప్రధాన పాత్రలో క్రిష్‌ దర్శకత్వంలో రూపొందుతున్న చిత్రం ‘ఎన్టీఆర్‌’.భారీ అంచనాల నడుమ రూపొందిన ఈ బయోపిక్‌ సంక్రాంతి కానుకగా ప్రేక్షకుల ముందుకు రాబోతుంది.
ప్రస్తుతం సినిమాకు సంబంధించిన నిర్మాణానంతర కార్యక్రమాలు జరుగుతున్నాయి.ఈ చిత్రంలో మాజీ ముఖ్యమంత్రి నాదెండ్ల విజయ భాస్కర్‌ గురించి ఉండబోతున్నట్లుగా ప్రచారం జరుగుతుంది.
దాంతో ఆయన విడుదల ముందు సినిమాపై వివాదాన్ని మొదలు పెట్టాడు.
ఎన్టీఆర్‌ రాజకీయాల్లో ఉన్న సమయంలో ఆయనకు పక్షవాతం వచ్చింది.ఆ సమయంలో లేవలేని స్థితిలో ఆయన ఉన్నారు.అప్పుడు ఆయన 12 మంది పిల్లల్లో ఏ ఒక్కరు కూడా ఆయన్ను పట్టించుకోలేదు.
ఆ సమయంలోనే లక్ష్మీ పార్వతి ఎంట్రీ ఇచ్చి ఆయన బాగోగులు చేసుకుంది.
అందుకే ఆమెను పెళ్లి చేసుకున్నాడు.ఆమెను ముఖ్యమంత్రిగా కూడా ఎన్టీఆర్‌ చేస్తాడని చంద్రబాబు నాయుడు భావించాడు.ఆ కారణంగానే కుటుంబ సభ్యులందరితో కలిసి చంద్రబాబు నాయుడు కావాలని ఎన్టీఆర్‌కు వెన్నుపోటు పొడిచాడు.
‘ఎన్టీఆర్‌’ సినిమాలో చంద్రబాబు నాయుడు పెద్ద విలన్‌.కాని ఆయన్ను హీరోగా చూపించే ప్రయత్నాలు జరుగుతున్నాయి.నేను ఎన్టీఆర్‌ను రాజకీయంగా నిలబెట్టాను.కాని నన్ను మాత్రం చెడుగా చూపించే ప్రయత్నాలు చేస్తున్నారు.సినిమాలో హీరోలను విలన్‌లుగా, విలన్‌లను హీరోలుగా చూపించేందుకు ప్రయత్నాలు చేస్తున్నారు.
నా గురించి చిన్న తప్పుడు సీన్‌ ఉన్నా, నా పాత్ర ఉన్నా కూడా కఠినంగా వ్యవహరిస్తానంటూ నాదెండ్ల హెచ్చరించాడు.నాదెండ్ల హెచ్చరిక నేపథ్యంలో ఎన్టీఆర్‌ యూనిట్‌ సభ్యులు ముందు జాగ్రత్తలు తీసుకుంటున్నట్లుగా సినీ వర్గాల ద్వారా సమాచారం అందుతోంది.
తెలుగు వార్త విశేషాలు సులభముగా తెలుసుకోండి!!!!
సినిమా కబుర్లు
టాప్ స్టోరీస్
క్రైమ్ న్యూస్
అవీ...ఇవి
ప్రత్యేకం
