కామెడీ హీరోగా టాలీవుడ్‌లో తనకంటూ ప్రత్యేక ఇమేజ్‌ను క్రియేట్ చేసుకున్న అల్లరి నరేష్, ప్రస్తుతం సీరియస్ చిత్రాలకు ఎక్కువ ప్రాధాన్యత ఇస్తున్నాడు.ఈ క్రమంలోనే తాజాగా ఆయన నాంది అనే సినిమాలో నటిస్తున్నాడు.
ఇప్పటికే ఈ సినిమా పోస్టర్లు ప్రేక్షకుల్లో మంచి అంచనాలను క్రియేట్ చేయగా, రీసెంట్‌గా వచ్చిన టీజర్ అంచనాలు రెట్టింపు చేసింది.ఈ సినిమాతో అల్లరి నరేష్ గతంలో నటించిన గమ్యం, శంభో శివ శంభో లాంటి సక్సెస్‌ను అందుకోవాలని చూస్తున్నాడు.
కాగా ఈ సినిమాలో అల్లరి నరేష్ చేస్తున్న పాత్ర ప్రేక్షకులను ఆకట్టుకోవడం ఖాయమని చిత్ర యూనిట్ ధీమా వ్యక్తం చేస్తున్నారు.ఓ నిర్దోషికి పోలీసు స్టేషన్‌లో జరిగే అన్యాయం గురించి ఈ సినిమాలో మనకు చూపించనున్నారు.
ఇందులో భాగంగా అతడికి అక్కడ ఎదురయ్యే పరిస్థితులు, అతడిని పోలీసు అధికారులు ఏ విధంగా చిత్ర హింసలకు గురిచేస్తారనే అంశాలను మనకు కళ్లకు కట్టే విధంగా ఈ సినిమాలో దర్శకుడు విజయ్ కనకమేడల చూపించనున్నాడు.అయితే ఈ సినిమాలో క్లైమాక్స్ మాత్రం చాలా ఎమోషనల్‌గా ఉండనున్నట్లు తెలుస్తోంది. న్యాయం కోసం ఎదురుచూసే వ్యక్తి పాత్రలో నటిస్తున్న అల్లరి నరేష్, ఈ సినిమా క్లైమాక్స్‌లో చనిపోతాడని తెలుస్తోంది.అతడు చనిపోయే సీన్‌కు ప్రేక్షకులు కంటతడి పెట్టడం ఖాయమని చిత్ర వర్గాలు అంటున్నాయి.
మొత్తానికి నాంది చిత్రం సీరియస్ మూవీగా మాత్రమే కాకుండా ఎమోషనల్ కంటెంట్ పుష్కలంగా ఉన్న చిత్రంగా ఆకట్టుకోవడం ఖాయమని తెలుస్తోంది.ఇక ఈ సినిమాలో లాయర్ పాత్రలో విజయలక్ష్మీ శరత్ కుమార్ నటిస్తుండటంతో ఈ సినిమాపై మరిన్ని అంచానలు ఏర్పడ్డాయి.
ఈ సినిమాను త్వరలోనే రిలీజ్ చేసేందుకు చిత్ర యూనిట్ రెడీ అవుతోంది.
