“ఉడాన్”, “హోటెల్ మిలాన్” వంటి బుల్లితెర సీరియల్స్ లో నటించి ఎంతో గుర్తింపును సంపాదించుకున్న నటి మాల్వీ మల్హోత్రా పై అక్టోబర్ 26న నిర్మాత యోగేశ్ మహిపాల్ సింగ్ తనతో పెళ్లికి నిరాకరించిందన్న కోపంతో తనపై దాడికి పాల్పడిన విషయం మనకు తెలిసినదే.తన వివాహానికి నిరాకరించిందన్న కోపంతో మాల్వీ మల్హోత్రా ముంబైలోని వెర్సోవా ప్రాంతంలోని ఒక కేసు నుంచి ఇంటికి వెళ్తున్న సమయంలో యోగేష్ తనపై కత్తితో దాడి చేశారు.
తీవ్రంగా గాయపడిన మాల్వీ మల్హోత్రా చికిత్స నిమిత్తం ఆమెను ఆస్పత్రికి తరలించారు.అయితే ఐపీసీ సెక్షన్ 307 హత్యాయత్నం కింద కేసు నమోదు చేసుకున్న వెర్సోవా ప్రాంత పోలీసులు యోగేష్ అరెస్టు చేయడానికి రంగం సిద్ధం చేసి మరుసటి రోజే అతని కటకటాల్లోకి తోసేశారు.
అయితే తన గాయం నుంచి పూర్తిగా కోలుకోని మాల్వీ మరోసారి పోలీసులను ఆశ్రయించారు.
సాయంత్రం ఇంటి ఆవరణంలో వాకింగ్ చేస్తుండగా బైక్ పై ఒక వ్యక్తి మాస్కు ధరించి తన దగ్గరికి వచ్చి యోగేష్ అన్న కు బెయిల్ వచ్చిన వెంటనే మీ కుటుంబం అంతం చూస్తామని, తన తండ్రిని చూస్తూ గట్టిగా అరచి నన్ను చంపేస్తామంటూ బెదిరిస్తున్నారని ,మాల్వీ పోలీసులకు ఫిర్యాదు చేసింది.అలా బెదిరించినప్పటి నుంచి ప్రతి రోజు ఎంతో భయాందోళనలతో గడుపుతున్నామని, మరో ఇంటికి మారేందుకు ప్రయత్నిస్తున్నామని ఓ సందర్భంలో నటి మాల్వీ పేర్కొన్నారు.
తన ఆరోగ్యం గురించి మాట్లాడుతున్న మాల్వీ ఇంకా గాయం సరిగా మానలేదు,కేవలం వైద్య పరీక్షల కోసం మాత్రమే ఇంటి నుంచి బయటకు వెళ్తున్నాను.
కొద్దిగా వాకింగ్ చేయాలని డాక్టర్లు చెప్పడంతో తల్లిదండ్రుల సహాయంతో వాకింగ్ చేస్తున్న సమయంలో ఇలా ఒక వ్యక్తి ఇంటిలోకి చొరబడి నన్ను, నా కుటుంబాన్ని బెదిరిస్తున్నట్లు ఆమె తెలిపారు.అయితే యోగేష్ పై కఠినంగా చర్యలు తీసుకోనీ అతనిని శిక్షించాలని ఆమె తెలియజేశారు.