కళ్యాణమొచ్చినా కక్కొచ్చినా ఆగదని పెద్దలు చెబుతూ ఉంటారు.అయితే టాలీవుడ్ లోని కొందరు హీరోలకు మాత్రం కళ్యాణ ఘడియలు సమీపించడం లేదు.
క్యాలెండర్ లో సంవత్సరాలకు సంవత్సరాలు మారుతున్నా కొందరు హీరోలు మాత్రం పెళ్లి చేసుకోవడానికి ఆసక్తి చూపడం లేదు.తాము అభిమానించే హీరోలు పెళ్లిళ్లు చేసుకోకపోవడంతో అభిమానులు సైతం నిరాశకు గురి అవుతున్నారు.
టాలీవుడ్ మోస్ట్ ఎలిజిబుల్ బ్యాచిలర్స్ జాబితాలో ప్రభాస్ ముందువరసలో ఉన్నారు.ఇప్పటివరకు ఏ హీరో పెళ్లిపై రానన్ని పుకార్లు ప్రభాస్ పెళ్లిపై వచ్చాయి.టాలీవుడ్ కు చెందిన ఒక ప్రముఖ హీరోయిన్ ను ప్రభాస్ పెళ్లి చేసుకోబోతున్నాడంటూ గాసిప్స్ గుప్పుమన్నాయి.అయితే ఆ వార్తలేవీ నిజం కాలేదు.వరుస సినిమాలతో బిజీగా ఉన్న ప్రభాస్ పెళ్లి ఎప్పుడు చేసుకుంటాడో చూడాల్సి ఉంది.
మరో టాలీవుడ్ హీరో రామ్ కూడా పెళ్లి మాటే ఎత్తడం లేదు.తన కంటే లేట్ గా ఇండస్ట్రీలో అడుగు పెట్టిన కుర్ర హీరోలు సైతం పెళ్ళిళ్లు చేసుకుంటే రామ్ మాత్రం పప్పన్నం ఎప్పుడు పెడతాడో చెప్పడం లేదు.కెరీర్ పేరు చెప్పి పెళ్లిని వాయిదా వేస్తున్న రామ్ ఎప్పుడు పెళ్లి చేసుకుంటాడో చూడాల్సి ఉంది.
బాలీవుడ్ ఇండస్ట్రీలో మోస్ట్ ఎలిజిబుల్ బ్యాచిలర్ జాబితాలో సల్మాన్ ఖాన్ పేరు ముందువరసలో ఉంటుంది.వయస్సు 50 దాటినా ఈ హీరో పెళ్లి అనే బంధం గురించి పట్టించుకోవడం లేదు.చాలామంది హీరోయిన్లతో ప్రేమ వ్యవహారాలు నడిపిన సల్మాన్ పెళ్లి పీటలెక్కుతాడో లేదో చూడాల్సి ఉంది.
బాలీవుడ్ లో లవర్ బాయ్ ఇమేజ్ ను సొంతం చేసుకున్న రణబీర్ కపూర్ కూడా పలువురు హీరోయిన్లతో ప్రేమాయాణం నడిపినా పెళ్లి ఎప్పుడు చేసుకుంటాడో మాత్రం చెప్పడం లేదు.44 సంవత్సరాల బాలీవుడ్ హీరో రణదీప్ హూడా కుడా పెళ్లి మాటే ఎత్తడం లేదు.పలువురు హీరోయిన్లతో ప్రేమ వ్యవహారాలు నడిపిన ఈ హీరో పెళ్లి ఆలోచన మాత్రం లేదని చెబుతున్నాడు.
యశ్ చోప్రా కుమారుడు ఉదయ్ చోప్రా కూడా ఇప్పటివరకు పెళ్లి చేసుకోలేదు.