నేచురల్ స్టార్ నాని ప్రస్తుతం రెండు చిత్రాలను రెడీ చేస్తున్నాడు.ఇప్పటికే దర్శకుడు ఇంద్రగంటి మోహనకృష్ణ దర్శకత్వంలో తెరకెక్కుతున్న ‘వి’ సినిమాలో నాని విలన్ అవతారంలో మనకు కనిపిస్తున్నట్లు ఫస్ట్ లుక్ పోస్టర్ ద్వారా చిత్ర యూనిట్ తెలిపింది.
ఈ ఫస్ట్ లుక్ పోస్టర్‌కు అదిరిపోయే రెస్పాన్స్ వస్తుండటంతో ఈ సినిమాపై భారీ అంచనాలు క్రియేట్ అవుతున్నాయి.కాగా తన నెక్ట్స్ మూవీని శివ నిర్వాణ దర్శకత్వంలో రెడీ చేస్తున్నాడు నాని.
ఈ సినిమాకు ‘టక్ జగదీష్’ అనే టైటిల్‌ను ఫిక్స్ చేసిన విషయం తెలిసిందే.కాగా ఈ సినిమా కథకు సంబంధించి ఓ ఇంట్రెస్టింగ్ న్యూస్ ఇండస్ట్రీలో చక్కర్లు కొడుతోంది.
ఈ సినిమా కథను ఓ పాత చిత్రం నుండి తీసుకున్నట్లు తెలుస్తోంది.ఈ సినిమాలో నానితో పాటు జగపతి బాబు కలిసి నటిస్తున్నట్లు, అన్నదమ్ముల మధ్య సాగే కథ అని తెలుస్తోంది.
ఈ కథను గతంలో వచ్చిన బలరామకృష్ణులు సినిమా నుండి స్ఫూర్తి పొందినట్లు చిత్ర యూనిట్ తెలిపింది.కాగా ఆ చిత్రంలో శోభన్ బాబు, రాజశేఖర్ నటించగా, ఆ సినిమా సూపర్ హిట్‌గా నిలిచింది.
కాస్త మార్పులు చేసి ఈ కథను టక్ జగదీష్ మూవీగా మనకు చూపించనున్నాడు దర్శకుడు శివ నిర్వాణ.ఈ సినిమాలో నాని సరసన రీతూ వర్మ హీరోయిన్‌గా నటిస్తోంది.
ఈ సినిమాను వీలైనంత త్వరగా పూర్తి చేసి రిలీజ్ చేసేందుకు చిత్ర యూనిట్ ప్లాన్ చేస్తున్నారు.మరి ఈ సినిమా బలరామకృష్ణులు సినిమాకు కాపీయా లేక స్ఫూర్తియా అనేది సినిమా రిలీజ్ అయ్యాకే తెలుస్తుంది.
