సాఫ్ట్ వేర్ దిగ్గజం మైక్రోసాఫ్ట్ స్మార్ట్ ఫోన్ల తయారీకి గుడ్ బై చెప్పేసింది.మొబైల్ ఫోన్ల తయారీలో పేరెన్నికగన్న ఫిన్ ల్యాండ్ కంపెనీ నోకియాను కొనుగోలు చేసిన తర్వాత మైక్రోసాఫ్ట్ తీవ్ర ఇబ్బందికర పరిస్థితులను ఎదుర్కొంది.
నోకియా స్మార్ట్ ఫోన్ వెర్షన్లు లూమియా, ఆ తర్వాత విండోస్ ఫోన్ల వ్యూహాలు దెబ్బతిన్న నేపథ్యంలో అలవాటు లేని వ్యాపారాల నుంచి తప్పుకునేందుకే మైక్రోసాఫ్ట్ నిర్ణయించింది.ఈ క్రమంలోనే స్మార్ట్ ఫోన్ల తయారీని నిలిపివేస్తున్నట్లు ఆ సంస్థ ప్రకటించింది.
సంస్థ తీసుకున్న ఈ కీలక నిర్ణయంతో మైక్రోసాఫ్ట్ లో పనిచేస్తున్న 1,850 మంది ఉద్యోగులపై వేటు పడనుంది.వీరిలో నోకియా నుంచి తమ కంపెనీలో చేరిన ఉద్యోగులే 1,350 మంది ఉన్నట్లు సమాచారం.
వీరంతా నోకియా సొంత దేశం ఫిన్ ల్యాండ్ లో పనిచేస్తున్నవారే అధికంగా ఉన్నారు.
