టాలీవుడ్ లో నితిన్ కి జోడీగా రెండు క్రేజీ ప్రాజెక్ట్స్ లో నటించిన తమిళ ముద్దుగుమ్మ అదృష్టం కలిసి రాకపోవడంతో రెండు సినిమాలు ఫ్లాప్ అయ్యాయి.దీంతో ఈ అమ్మడుని టాలీవుడ్ దర్శక, నిర్మాతలు పట్టించుకోవడం మానేశారు.
ఇక ఈ భామకి తమిళంలో మాత్రం అవకాశాలు పుష్కలంగా ఉన్నాయి.యువ హీరోలతో జోడీ కడుతూ వరుస సినిమాలు చేస్తుంది.
ఇదిలా ఉంటే ఈ భామ చాలా గ్యాప్ తర్వాత మరల టాలీవుడ్ లో క్రేజీ ఆఫర్ ని సొంతం చేసుకుంది.అది కూడా దిల్ రాజు బ్యానర్ లో అవకాశం సొంతం చేసుకుంటుంది.
రాజ్ తరుణ్ హీరోగా దిల్ రాజు బ్యానర్ లో కృష్ణారెడ్డి దర్శకత్వంలో మూవీ తెరకెక్కబోతుంది.ప్రస్తుతం ప్రీ ప్రొడక్షన్ దశలో ఉన్న ఈ సినిమా త్వరలో సెట్స్ పైకి వెళ్లనుంది.
ప్రస్తుతం కెరియర్ లో వరుస ఫ్లాప్ లతో అవకాశాలు లేక ఖాళీగా ఉన్న రాజ్ తరుణ్ కి ఈ సినిమా చాలా కీలకం కానుంది.