న్యాచులర్ స్టార్ నాని శ్యామ్ సింగరాయ్ సినిమాతో ప్రేక్షకులకు ఒక కొత్త కాన్సెప్ట్ ఉన్న సినిమాను చూపించాడు.నాని శ్యామ్ సింగరాయ్ సినిమా ఇటీవలే రిలీజ్ అయిన విషయం తెలిసిందే.
క్రిస్మస్ కానుకగా గత ఏడాది డిసెంబర్ 24 న ఈ సినిమా ప్రపంచ వ్యాప్తంగా రిలీజ్ చేసారు మేకర్స్.విడుదల అయిన అన్ని చోట్ల పాజిటివ్ టాక్ రావడమే కాకుండా మంచి వసూళ్లు కూడా రాబట్టింది.
రాహుల్ సంక్రిత్యాన్‌ దర్శకత్వంలో తెరకెక్కిన ఈ సినిమాను నిహారిక ఎంటర్టైన్మెంట్ పతాకంపై వెంకట్ బోయినపల్లి నిర్మించగా మిక్కీ జె మేయర్ సంగీతం అందించాడు.ఈ సినిమాలో సాయి పల్లవి, కృతి శెట్టి, మడోన్నా సెబాస్టియన్ లు హీరోయిన్స్ గా నటించారు.
కోల్‌కతా నేపథ్యంలో సాగే టైమ్ ట్రావెలింగ్ స్టోరీగా తెరకెక్కిన ఈ సినిమాలో పవర్ ఫుల్ పాత్రలో నటించిన నాని నటనకు తెలుగు ప్రేక్షకులు ఫిదా అయ్యారనే చెప్పాలి.
ఈ సినిమాలో నాని నటనకు సినీ ప్రముఖులు సైతం ప్రశంసిస్తూ ఆయనను అభినందించిన విషయం తెలిసిందే.
ఈ లిస్టులో తాజాగా మరొక స్టార్ చేరిపోయాడు.
మెగాస్టార్ చిరంజీవి ఈ సినిమాను వీక్షించినట్టు తెలుస్తుంది.ఆ విషయాన్నీ హీరో నాని ట్విట్టర్ ద్వారా తెలియజేస్తూ చిరంజీవితో కలిసి దిగిన ఒక ఫోటోను సోషల్ మీడియాలో షేర్ చేసారు.
ఆ ఫొటోకు శ్యామ్ సింగ రాయ్ ఎవరిని ప్రేమించాడు చెప్పుకోండి అంటూ క్యాప్షన్ కూడా ఇచ్చాడు.ఇక నాని షేర్ చేసిన ఫొటోలో శ్యామ్ సింగ రాయ్ సినిమాలో నాని మీసం తిప్పినట్టు ఈ ఫొటోలో కూడా నాని, మెగాస్టార్ కలిసి మీసం మెలేస్తూ కనిపించారు.ఈ ఫోటో నాని షేర్ చేసిన కొద్దీ సేపట్లోనే వైరల్ గా మారింది.
ఇప్పటికే ఈ సినిమాను రామ్ చరణ్ కూడా వీక్షించి నాని నటనను మెచ్చుకున్న విషయం తెలిసిందే.ఇక ఇప్పుడు మెగాస్టార్ కూడా శ్యామ్ సింగ రాయ్ ను వీక్షించాడు.
