మెగాస్టార్ చిరంజీవి ప్రతిభ గల నటుడనే సంగతి ప్రత్యేకంగా చెప్పాల్సిన అవసరం లేదు.పాట పాడినా, డ్యాన్స్ చేసినా, డైలాగ్ చెప్పినా చిరంజీవి స్టైలే సెపరేట్ అనే సంగతి తెలిసిందే.
అయితే చిరంజీవిలా ఆయన మనవరాలు నవీక్ష కూడా టాలెంటెడ్ కావడం గమనార్హం.చిరంజీవి చిన్నకూతురు శ్రీజ, కళ్యాణ్ దేవ్ ల గారాలపట్టి నవీక్ష కాగా గతేడాది చిరంజీవి మనవరాలు నవీక్షతో ఉన్న ఒక వీడియోను షేర్ చేశారు.
సంగీతానికి ఎంతో అద్భుతమైన శక్తి ఉందని సంవత్సరం వయస్సు ఉన్న చిన్నారి నవీక్ష మ్యూజిక్ ను ఎంజాయ్ చేయడంతో పాటు మ్యూజిక్ కు అనుగుణంగా డ్యాన్స్ చేస్తోందని చిరంజీవి చెప్పుకొచ్చారు.చిరు మనవరాలితో కలిసి సందడి చేసిన ఆ వీడియో నెటిజన్లను ఆకట్టుకోవడంతో పాటు సోషల్ మీడియాలో తెగ వైరల్ అయింది.
అయితే చిరంజీవి గ్రాండ్ డాటర్ నవీక్ష తన హిడెన్ టాలెంట్ ను ప్రేక్షకులకు పరిచయం చేశారు.
రెండేళ్ల కంటే తక్కువ వయస్సు ఉన్న ఈ చిన్నారి తండ్రి కళ్యాణ్ దేవ్ జంతువుల పేర్లు చెబుతుంటే నవీక్ష తన వాయిస్ తో ఆ జంతువులు ఎలా అరుస్తాయో చెబుతూ ఆకట్టుకున్నారు.
తన క్యూట్ మాటలతో సాధారణ ప్రేక్షకులతో పాటు నెటిజన్లను సైతం నవీక్ష ఆకట్టుకున్నారు.సోషల్ మీడియాలో యాక్టివ్ గా ఉండే కళ్యాణ్ దేవ్ తన కూతురుకు సంబంధించిన ఫోటోలను, వీడియోలను సోషల్ మీడియాలో షేర్ చేసి వార్తల్లో నిలుస్తున్నారు.
బాల్యంలోనే ఇంత టాలెంట్ ఉన్న చిన్నారి నవీక్ష రాబోయే రోజుల్లో బాలనటిగా ఎంట్రీ ఇస్తారేమో చూడాల్సి ఉంది.ఇప్పటికే మెగా ఫ్యామిలీ నుంచి చాలామంది చాలామంది హీరోలు వెండితెరపై సత్తా చాటుతున్న సంగతి తెలిసిందే.
ఈ టాలెంటెడ్ చిన్నారి ఏ హీరో సినిమాతో బాలనటిగా ఎంట్రీ ఇస్తారో చూడాల్సి ఉంది.