మెగా డాటర్ నిహారిక పెళ్లి తర్వాత కూడా ఏ మాత్రం తగ్గకుండా సిరీస్లలో నటిస్తూ వెబ్ సిరీస్ లను నిర్మిస్తోంది.ఈ క్రమంలోని తాజాగా నిహారిక నిర్మాణంలో తెరకెక్కిన ఒక చిన్న ఫ్యామిలీ స్టోరీ అనే వెబ్ సిరీస్ ఫ్రీ రిలీజ్ వేడుక జరిగింది.
ఈ కార్యక్రమానికి నిహారిక బ్రదర్ వరుణ్ తేజ్ ముఖ్య అతిథిగా పాల్గొన్నారు.మహేష్ ఉప్పాల దర్శకత్వంలో తెరకెక్కిన ఈ సిరీస్ లో సంగీత్శోభన్, సిమ్రాన్శర్మ, సీనియర్ నరేష్ ప్రధాన పాత్రల్లో నటించారు.
ఈ క్రమంలోనే ఈ సిరీస్ ఈ నెల 19వ తేదీ జీ 5 లో ప్రసారం కానుంది.
ఈ సందర్భంగా ప్రీ రిలీజ్ వేడుకను హైదరాబాద్ లో జరపగా ఈ కార్యక్రమంలో పాల్గొన్న వరుణ్ తేజ్ మాట్లాడుతూ.
నిహారిక చేస్తున్న సిరీస్ లు, సినిమాల విషయంలో తాను ఎప్పుడూ జోక్యం చేసుకోనని,ప్రయోగాత్మక ఇతివృత్తాలతో తనకంటూ ఓ ప్రత్యేకమైన గుర్తింపును సంపాదించుకోవడం కోసం నిహారిక కష్టపడుతుందని అందుకోసమే తనకి ఎప్పుడు ఎలాంటి సలహాలు ఇవ్వనని ఈ సందర్భంగా వరుణ్ తేజ్ తెలియజేశారు.
ఇక ఈ కార్యక్రమంలో నిహారిక మాట్లాడుతూ.వినోదాత్మక కథాంశంతో తెరకెక్కుతున్న వెబ్ సిరీస్ ఇదని అవసరానికి మించి లోన్స్ తీసుకోవడం వల్ల ఎలాంటి ఇబ్బందులు తలెత్తుతాయి అనే విషయాన్ని ఎంతో చక్కగా వివరించామని ఈ సందర్భంగా నిహారిక మాట్లాడారు.ఈ వెబ్ సిరీస్ తప్పకుండా ప్రతి ఒక్కరికి నచ్చుతుందని నిహారిక వెల్లడించారు.
ఇక ఈ కార్యక్రమానికి సంగీత్ శోభన్, సిమ్రాన్ శర్మ, దర్శకుడు మహేష్ ఉప్పల పాల్గొన్నారు
.