తెలుగు బుల్లితెరపై ప్రసారం అవుతున్న బిగ్ బాస్ కార్యక్రమం ద్వారా ఎంతో మంది చాలా మంచి గుర్తింపు సంపాదించుకుంటారు.బిగ్ బాస్ కి వెళ్లక ముందు కేవలం కొంత మందికి తెలిసిన కొందరు కంటెస్టెంట్ లు బిగ్ బాస్ తర్వాత ఎంతో పాపులారిటీ సంపాదించుకున్న వారి కెరియర్లో ఉన్నత స్థానంలో ఉన్నారు.
ప్రస్తుతం సీజన్ ఫైవ్ లో ట్రాన్స్ జెండర్ గా అడుగుపెట్టి విశేషమైన పాపులారిటీ దక్కించుకున్న ప్రియాంక ఒకరు.ట్రాన్స్ జెండర్ గా బిగ్ బాస్ హౌస్ లోకి వెళ్ళిన ఈమె మూడు నాలుగు వారాలలో బయటకు వస్తుందని భావించారు.
అయితే అందరి అంచనాలను తలకిందులు చేస్తూ 13 వారాలపాటు బిగ్ బాస్ హౌస్ లో కొనసాగి ఎలిమినేట్ అయ్యారు.ఈ 13 వారాలు ఈమె బిగ్ బాస్ హౌస్ లో వుంటూ విశేష ఆదరణ దక్కించుకుంది.
బిగ్ బాస్ హౌస్ లో ఉన్న సమయంలో జబర్దస్త్ జడ్జ్ గా వ్యవహరించిన నాగబాబు ఈమెకు మద్దతు తెలుపుతూ తను గెలవాలని తన అభిమానులు కూడా తనకు సపోర్ట్ చేయమని కోరారు.ఇక బిగ్ బాస్ నుంచి బయటకు వచ్చిన ఈమె మెగా బ్రదర్ నాగబాబు ఆశీర్వాదం తీసుకొని తనతో కలిసి ఫోటోలు దిగింది.
ఈ క్రమంలోనే నాగబాబు ఈ ఫోటోని సోషల్ మీడియా వేదికగా షేర్ చేస్తూ ఎన్నో అసమానతలు అవమానాలు అడ్డంకులను ఎదుర్కొని ధైర్యంగా నిలబడ్డావు నువ్వు బిగ్ బాస్ విజేత కాకపోయినా ఎంతోమంది ప్రేక్షకుల మదిలో గెలిచావు.నీ గెలుపు వారి మదిలో ఎప్పటికీ నిలిచిపోతుంది. నువ్వు టైటిల్ గెలవకపోయినా నీకు జరిగిన అవమానాలు తట్టుకొని ఎంతో మందికి స్ఫూర్తిగా నిలిచావు ఇలా అవమానాలు ఎదుర్కొనే వారికి నువ్వు ఎంతో స్పూర్తిని ఇచ్చావు అంటూ తన గురించి నాగబాబు వెల్లడించారు.
తెలుగు వార్త విశేషాలు సులభముగా తెలుసుకోండి!!!!
