సీనియర్ నటి మీనా గురించి అందరికీ సుపరిచితమే.ఎన్నో తెలుగు తమిళ సినిమాలలో నటించి మంచి గుర్తింపు సంపాదించుకున్న ఈమె ప్రస్తుతం తన సెకండ్ ఇన్నింగ్స్ ప్రారంభించి వరుస సినిమాలతో ఎంతో బిజీగా ఉన్నారు.
ఇకపోతే ప్రస్తుతం ఆమె లైఫ్ అంతా బాగుంది అనుకునే లోపు తన భర్త మరణ వార్త తనని అయోమయ స్థితిలోకి పడేసింది.అయితే తన భర్త విద్యాసాగర్ పోస్ట్ కోవిడ్ సమస్యలతో బాధపడుతూ మృతి చెందారు.
తన భర్త చనిపోగానే మీనా తన కెరియర్ గురించి షాకింగ్ డెసిషన్ తీసుకున్నారు.
ఇన్ని రోజులు తన భర్త తన కూతురి ఆలనా పాలన చూసుకుంటూ తనని సినిమాలలో నటించమని ప్రోత్సహించారు.
అయితే ప్రస్తుతం తన భర్త మృతి చెందడంతో తాను సినిమాలతో బిజీ అయితే తన కూతురు భవిష్యత్ అంధకారంలోకి పడుతుందని, ఉన్న జీవితం తన కూతురితో గడుపుతూ తన కూతురికి తండ్రి లేడు అనే లోటూ తెలియకుండా పెంచాలని నిర్ణయం తీసుకున్నట్టూ తెలుస్తుంది.అందుకే ప్రస్తుతం తాను సినిమా షూటింగులను పూర్తి చేసి తదుపరి ఎలాంటి సినిమాలకు గ్రీన్ సిగ్నల్ ఇవ్వకుండా తన కూతురి కోసం గడపాలని నిర్ణయం తీసుకున్నట్లు తెలుస్తోంది.
ఇలా మీనా తన కూతురి గురించి ఆలోచించి ఈ నిర్ణయం తీసుకోవడం పట్ల ఎంతోమంది ఈమె నిర్ణయం పై ప్రశంసలు కురిపిస్తున్నారు.మరికొందరు మాత్రం సినిమాలతో బిజీగా ఉండటం వల్ల తన భర్త లేరన్న వార్త నుంచి బయటపడతారని, సినిమాలలో నటించడమే మంచిది అంటూ వారి అభిప్రాయాలను తెలియజేస్తున్నారు.అయితే మీనా గురించి వస్తున్న ఈ వార్తలలో ఎంతవరకు నిజం ఉందో తెలియాల్సి ఉంది.