నేచురల్ స్టార్ నాని నటించిన రీసెంట్ మూవీ ‘వి’ ఇటీవల ఓటీటీలో రిలీజ్ అయ్యి మిక్సిడ్ టాక్‌ను సొంతం చేసుకున్న సంగతి తెలిసిందే.ఈ సినిమాపై భారీ అంచనాలు పెట్టుకున్న చిత్ర యూనిట్, ఈ సినిమాకు యావరేజ్ టాక్ రావడంతో నిరాశకు లోనయ్యింది.
ఇక నాని ప్రస్తుతం తన నెక్ట్స్ చిత్రాలను లైన్‌లో పెట్టేందుకు రెడీ అవుతున్నాడు.ఈ క్రమంలో ‘టక్ జగదీష్’ చిత్ర షూటింగ్‌ను తిరిగి ప్రారంభించేందుకు నాని రెడీ అవుతున్నాడు.
ఈ సినిమా తరువాత ‘శ్యాం సింగ్ రాయ్’ అనే సినిమాలో నాని నటిస్తున్నాడు.ఈ సినిమా ఇంకా పట్టాలెక్కకముందే, మరో సినిమాను ఓకే చేసే పనిలో పడ్డాడు.
దర్శకుడు మారుతి డైరెక్షన్‌లో నాని ఓ సినిమా చేసేందుకు ఆసక్తి చూపుతున్నాడు.గతంలో వీరిద్దరి కాంబినేషన్‌లో వచ్చిన ‘భలే భలే మగాడివోయ్’ చిత్రం ఎలాంటి విజయాన్ని అందుకుందో అందరికీ తెలిసిందే.
ఈ సినిమా నాని కెరీర్‌లో బిగ్గె్స్ట్ హిట్‌లలో ఒకటిగా నిలిచింది.ఆ తరువాత వీరిద్దరు కలిసి మరో సినిమా చేయాలని చాలాసార్లు అనుకున్నారు.
కానీ అది కుదర్లేదు.అయితే ఈసారి నాని కోసం ఓ పర్ఫెక్ట్ స్క్రిప్టును రెడీ చేస్తున్నాడట దర్శకుడు మారుతి.
ప్రముఖ నిర్మాణ సంస్థ క్రియేటివ్ కమర్షియల్స్ బ్యానర్‌పై రాబోయే సినిమాలో నానిని మరోసారి డైరెక్ట్ చేయనున్నాడు మారుతి.కాగా నానితో చేయబోయే సినిమా కోసం ఫుల్ లెన్త్ ఎంటర్‌టైనర్ కథను రెడీ చేశాడట మారుతి.
ఈ సినిమా స్క్రిప్టును త్వరలో నానిని వినిపించి ఓకే చేయించాలని మారుతి భావిస్తున్నాడు.అయితే ఈ కాంబినేషన్‌లో రాబోయే ఈ సినిమా ఎప్పుడు పట్టాలెక్కుతుందో అనే అంశంపై మాత్రం ఇంకా క్లారిటీ లేదు.
మరి ఈ కాంబోలో రాబోయే రెండో సినిమా ఎలాంటి కథతో వస్తుందో తెలియాలంటే మాత్రం సినిమా అఫీషియల్ అనౌన్స్‌మెంట్ వరకు ఆగాల్సిందే.
