బ్యాంకుకు డబ్బులతో, చెక్కు, పాస్ పుస్తకాలతో వెళ్లే వారిని చాలా మందిని చూసుంటాం.కానీ బ్యాంకుకు ఏకంగా తుపాకీతో వెళ్లాడు ఓ ప్రబుద్ధుడు.
ఇంతకీ అతడు తుపాకీతో ఎందుకు వెళ్లాడో, బ్యాంకులో ఏం చేశాడో తెలియాలంటే కోయంబత్తూర్‌లోని కెనరా బ్యాంక్‌లో జరిగి ఘటన గురించి తెలుసుకోవాల్సిందే.
వెట్రివేల్ అనే వ్యక్తి మోటార్ తయారీ పరిశ్రమను నిర్వహిస్తు్న్నాడు.
ఈ క్రమంలో వ్యాపార రుణం కోసం బ్యాంకులో రూ.కోటి కోసం లోన్ అప్లై చేశాడు.దీని కోసం ఓ బ్రోకర్‌కు 3 లక్షల వరకు చెల్లించుకున్నాడు.అయినా అతడి లోన్‌ను బ్యాంక్‌ రిజెక్ట్ చేసింది.దీంతో కోపంతో ఊగిపోయిన అతడు తన వెంట ఓ తుపాకీని తీసుకుని బ్యాంక్‌కు వెళ్లాడు.మేనేజర్‌పై దాడి చేసేందుకు ప్రయత్నించాడు.
కాగా అతడిని అడ్డుకునేందుకు ప్రయత్నించిన మరో ఇద్దరిపై కూడా అతడు దాడి చేశాడు.దీంతో పోలీసులు రంగప్రవేశం చేసి వెట్రివేల్‌ను అదుపులోకి తీసుకున్నారు.
ఈ ఘటనపై మేనేజర్ మాట్లాడుతూ వెట్రివేల్ లోన్‌ను హెడ్ ఆఫీస్ నుండి రిజెక్ట్ చేశారని, బ్రాంచ్ ఆఫీస్‌కు సంబంధం లేదని తెలిపాడు.కాగా తనకు లోన్ రాకపోతే ఆత్మహత్య చేసుకుంటానని వెట్రివేల్ అంటోన్నాడు.
మరి ఈ ఘటనపై పోలీసులు ఏం మాట్లాడుతారో చూడాలి.
