కొన్నిసార్లు మనుష్యులు చేసే పనులకు నవ్వాలో బాధపడాలో అర్ధం కాదు.వారు చేసే చేష్టలు వారి ప్రాణాలకు ముప్పని తెలిసినా కూడా వారు ఎందుకు చేస్తారో వారికే తెలియాలి.
ఇలాంటి ఘటనే ఒకటి సౌదీ అరేబియాలోని జూలో చోటు చేసుకుంది.రియాద్ జూలో ఉన్న ఓ పులి అడ్డాలోకి పడ్డాడు ఓ యువకుడు.
దీంతో ఆ పులి మనోడి తలను అమాంతం నోట్లోకి లాగేసుకుని తన ఆకలి తర్చుకోవాలని చూసుకుంది.
అసలే ఆకలిపై ఉన్న పులి, మనిషి తన అడ్డాలోకి రావడంతో తనకు ఫుల్ మీల్స్ దొరికిందని సంబరపడిపోయింది.
పులి అడ్డాలో పడ్డ వ్యక్తి తలను అమాంతం నోట్లోకి అందుకుని అతడిపై దాడి చేసింది.దీంతో అతడికి తీవ్ర గాయాలయ్యాయి.వెంటనే అప్రమత్తమైన జూ సిబ్బంది పులికి మత్తు మందు ఇచ్చి ఆ వ్యక్తిని బయటకు తీసుకొచ్చారు.కాగా అతడిని సూడాన్ నుంచి వలస వచ్చిన మహ్మద్ అబ్దుల్ మోషాన్‌గా అధికారులు గుర్తించారు.
అతడు కావాలనే పులి బోణులోకి దూకాడని అక్కడున్నవారు తెలిపారు.అయితే తాను ప్రమాదవశాత్తు అందులో పడ్డానంటూ చెప్పుకొచ్చాడు ఈ వ్యక్తి.ఏదేమైనా చావు నోట్లో తలదూర్చి బతికిబట్టకట్టి మనోడికి భూమిపై ఇంకా నూకలు ఉన్నాయని అంటున్నారు ఈ ఘటన గురించి తెలుసుకున్నవారు.
