టాలీవుడ్ లో క్రేజీ హీరో విజయ్ దేవరకొండ ఇప్పుడు అమ్మాయిల కలల రాకుమారుడుగా మారిపోయాడు.అతని క్రేజ్ ని కొంత మంది సోషల్ మీడియాలో అమ్మాయిలని ట్రాప్ చేయడానికి వాడుకుంటున్నారు.
బేసిక్ గా తమకి పలానా హీరో తెలుసు, అతను తనకి మంచి ఫ్రెండ్ అని చెబితే అమమయిలు ఈజీగా నమ్మేస్తూ ఉంటారు.అలాగే సోషల్ మీడియాలో ఒక ఫేక్ ఎకౌంటు క్రియేట్ చేసి విజయ్ దేవరకొండ పేరుతో అమమయిలతో చాటింగ్ చేస్తూ వారిని ట్రాప్ చేస్తున్న ఓ వ్యక్తిని హీరో టీంకి ఈ విషయం తెలియడంతో వారు రివర్స్ లో అమ్మాయిల పేరుతోనే వాడిని ట్రాప్ చేశారు.
అతనికి తెలిసిన అమ్మాయితో ఫోన్ చేయించి అతను చెప్పిన మాటలు అన్ని నమ్మినట్లు నటించి తనకు తానుగా హైదరాబాద్ వచ్చేలా చేశారు.
కట్ చేస్తే హైదరాబాద్ లో వాడిని పోలీసుల సాయంతో విజయ్ దేవరకొండ టీం పట్టుకొని పోలీస్ స్టేషన్ కి తరలించారు.
ఆ వ్యక్తి కామారెడ్డి జిల్లా బాన్సువాడ ప్రాంతకి చెందిన వాడుగా గుర్తించారు.అతను కేవలం విజయ్ దేవరకొండని మాత్రమే కాకుండా మరో ఇద్దరు హీరోల మహిళా అభిమానులలో పది మంది వరకు ట్రాప్ చేసి మోసాలకి పాల్పడినట్లు గుర్తించారు.
దీంతో పోలీసులు సదరు మోసగాడికి వారి స్టైల్ లో ట్రీట్మెంట్ ఇచ్చారు.ఇకపై హీరో విజయ్ దేవరకొండ పేరుతో ఫేక్ ఐడీల నుండి మెసేజ్లు వచ్చినా ఎవరూ నమ్మొద్దని విజయ్ ఆఫీస్ టీమ్ తెలియజేసింది.
సోషల్ మీడియా ప్రభావంతో అమ్మాయిలు తమతో చాటింగ్ చేస్తున్నది నిజంగా ఎవరో తెలుసుకోలేని స్థాయిలోకి వచ్చేసారని ఇలాంటి సంఘటనలు చూసినపుడు అర్ధమవుతుంది.