ఇటీవల సార్వత్రిక ఎన్నికలు ముగిసిన సంగతి తెలిసిందే.అయితే ఈ ఎన్నికల్లో విజయం సాధించి మరోసారి ఎన్డీయే కూటమి కేంద్రంలో ప్రభుత్వాన్ని స్థాపించింది.
ఈ క్రమంలో నరేంద్ర మోడ్ రెండోసారి ప్రధాని గా ప్రమాణ స్వీకారం కూడా చేశారు.అయితే ఆయన రెండో సారి ప్రధాని గా ప్రమాణస్వీకారం చేసిన తరువాత తొలిసారిగా ఆయన అధ్యక్షతన నీతి ఆయోగ్ సమావేశం జరగనుంది.
ఈ సమావేశంలో పాల్గొనడానికి అన్ని రాష్ట్రాల ముఖ్యమంత్రుల తో పాటు పలు శాఖల మంత్రులు కూడా హాజరుకావాల్సి ఉంది.ఈ క్రమంలో ఇప్పటికే ఏపీ సి ఎం జగన్మోహన్ రెడ్డి ఢిల్లీ కూడా వెళ్లిపోయారు.
అయితే తెలంగాణా సీ ఎం కేసీఆర్ ఈ సమావేశానికి హాజరుకావాల్సి ఉండగా ఆయన ఈ సమావేశానికి హాజరు కాలేకపోతున్నట్లు తెలుస్తుంది.నీతి ఆయోగ్ వల్ల ఎలాంటి ప్రయోజనం కనిపించడం లేదని, కావున ఈ సమావేశానికి హాజరుకానని బెంగాల్ సీఎం మమతా బెనర్జీ తేల్చి చెప్పేసిన సంగతి తెలిసిందే.
అయితే ఇప్పుడు తాజాగా కేసీఆర్ కూడా ఈ సమావేశానికి హాజరుకాలేకపోతున్నట్లు తెలుస్తుంది.తెలంగాణ ముఖ్యమంత్రి కేసీఆర్ ఢిల్లీ పర్యటనలోనే ఉన్నారు.అయితే బిజీ షెడ్యూల్‌ కారణంగా.ఈ సమావేశానికి హాజరుకాలేకపోతున్నారు.ఇక ఈ ఇద్దరి సీఎంల బాటలోనే పంజాబ్ ముఖ్యమంత్రి కెప్టెన్ అమరిందర్ సింగ్ కూడా చేరారు.ఆయన కూడా సాయంత్రం జరిగే నీతి ఆయోగ్ సమావేశానికి హాజరు కాలేకపోతున్నట్లు సమాచారం.
తెలుగు వార్త విశేషాలు సులభముగా తెలుసుకోండి!!!!
