మొన్న ఉగాదికి జెమిని టీవీలో ప్రసారం అయిన సరిలేరు నీకెవ్వరు చిత్రం రికార్డు స్థాయి టీఆర్పీ రేటింగ్‌ను దక్కించుకుంది అంటూ మహేష్‌ అభిమానులు గొప్పగా ప్రకటించిన విషయం తెల్సిందే.మహేష్‌బాబు గత 15 ఏళ్లలో ఎవరు కూడా సాధించని రికార్డును దక్కించుకున్నాడు అంటూ సోషల్ మీడియాలో ట్రెండ్‌ చేశారు.
మహేష్‌బాబు సరిలేరు నీకెవ్వరు మరోసారి సునామిలాంటి టీఆర్పీ రేటింగ్‌ దక్కించుకుని సినిమా హిట్ అంటూ నిరూపించుకుంది అంటున్నారు.
ఈ సమయంలోనే ఎన్టీఆర్‌ అభిమానుల వాదన మరోలా ఉంది.
సరిలేరు నీకెవ్వరు ఆల్‌ టైం రికార్డు ఎలా అవుతుందని అంటున్నారు.ఎన్టీఆర్‌ నటించిన టెంపర్‌ చిత్రం అద్బుతమైన టీఆర్పీ రేటింగ్‌ను దక్కించుకుంది.
ఇప్పటికి ఎప్పటికి ఆ సినిమానే తెలుగులో అత్యధిక టీఆర్పీ రేటింగ్‌ను దక్కించుకున్న సినిమా అంటున్నారు.మహేష్‌బాబు ఫ్యాన్స్‌ అత్యుత్సాహంతో ఉరుకులు పరుగులు పెడుతూ సోషల్ మీడియాలో ట్రెండ్‌ చేసేందుకు ప్రయత్నాలు చేస్తున్నారు అంటూ కామెంట్స్‌ వస్తున్నాయి.
ఎన్టీఆర్‌ టెంపర్‌ చిత్రం గతంలో 26 రేటింగ్‌ను దక్కించుకుంది.ఆ తర్వాత స్థానంలో శ్రీరామదాసు చిత్రం 24 రేటింగ్‌తో రెండవ స్థానంలో ఉంది.మగధీర కూడా 24 రేటింగ్‌ను దక్కించుకుంది.ఆ తర్వాత స్థానంలో సరిలేరు నీకెవ్వరు 23.4 రేటింగ్‌తో ఉందని దాన్ని నెం.1 అంటూ ప్రచారం చేయడం విడ్డూరంగా ఉంది అంటూ నెటిజన్స్‌ కామెంట్స్‌ చేస్తున్నారు.
తెలుగు వార్త విశేషాలు సులభముగా తెలుసుకోండి!!!!
