టాలీవుడ్ సూపర్ స్టార్ మహేష్ బాబు నటించిన రీసెంట్ మూవీ సరిలేరు నీకెవ్వరు బాక్సాఫీస్ వద్ద బ్లాక్బస్టర్ విజయాన్ని అందుకుంది.ఈ సినిమా ఇచ్చిన సక్సెస్తో తన నెక్ట్స్ మూవీని మహేష్ ఇప్పటికే అనౌన్స్ కూడా చేశాడు.
గీతాగోవిందం దర్శకుడు పరశురామ్ డైరెక్షన్లో తన నెక్ట్స్ మూవీ ‘సర్కారు వారి పాట’ను ఇటీవల అనౌన్స్ చేశాడు.కాగా ఈ సినిమాను త్వరలో పట్టాలెక్కించేందుకు మహేష్ రెడీ అవుతున్నాడు.
కాగా ఈ క్రమంలోనే తన నెక్ట్స్ మూవీని కూడా క్యూలో పెట్టే పనిలో పడ్డాడు మహేష్.
గతంలోనే దర్శకధీరుడు రాజమౌళితో తన నెక్ట్స్ మూవీ ఉంటుందని మహేష్ చెప్పిన సంగతి తెలిసిందే.
అయితే ఈ సినిమా ఇప్పట్లో తెరకెక్కుతుందో లేదో అని భావించిన మహేష్, తన నెక్ట్స్ మూవీని తెరకెక్కించేందుకు రెడీ అవుతున్నట్లు తెలుస్తోంది.మైత్రీ మూవీ మేకర్స్ బ్యానర్లో తమిళ దర్శకుడు లోకేష్ కనకరాజ్ ఓ సినిమా చేసేందుకు రెడీ అవుతున్నాడు.
కాగా ఈ సినిమాలో మహేష్ బాబు నటిస్తున్నట్లు తెలుస్తోంది.
ఖైదీ చిత్రంతో తెలుగు ప్రేక్షకులను ఇంప్రెస్ చేసిన ఈ డైరెక్టర్, ప్రస్తుతం తమిళ హీరో విజయ్ నటిస్తున్న మాస్టర్ చిత్రాన్ని తెరకెక్కిస్తున్నాడు.
కాగా మహేష్ కోసం ఈ డైరెక్టర్ ఎలాంటి సినిమాను రెడీ చేస్తారా అని అందరూ ఆసక్తిగా చూస్తున్నారు.ఇక మహేష్ ప్రస్తుతం ‘సర్కారు వారి పాట’లో అదిరిపోయే స్టైలిష్ లుక్లో కనిపించనున్నాడు.
ఈ సినిమాను ఆర్థిక నేరాల బ్యాక్గ్రౌండ్తో తెరకెక్కిస్తుండగా అందాల భామ కీర్తి సురేష్ ఈ సినిమాలో హీరోయిన్గా నటిస్తోంది.