ఈ మధ్య కాలంలో ప్రేక్షకుల్లో బాగా చర్చ జరిగిన సినిమాలలో లవ్ టుడే సినిమా కూడా ఒకటి.తమిళంలో సంచలనాలు సృష్టించిన ఈ సినిమా తెలుగు ప్రేక్షకులను కూడా బాగానే ఆకట్టుకుంది.
అయితే ప్రముఖ ఓటీటీలలో ఒకటైన నెట్ ఫ్లిక్స్ లో ఈ సినిమా స్ట్రీమింగ్ కానున్నట్టు అధికారిక ప్రకటన వచ్చింది.అయితే తమిళంలో మాత్రమే డిసెంబర్ 2వ తేదీ నుంచి ఈ సినిమా స్ట్రీమింగ్ కానుందని తెలుస్తోంది.
డిసెంబర్ చివరి వారం నుంచి లవ్ టుడే తెలుగు వెర్షన్ స్ట్రీమింగ్ కానుందని బోగట్టా.ప్రదీప్ రంగనాథన్ ప్రధాన పాత్రలో తెరకెక్కిన ఈ సినిమా ఆయన స్వీయ దర్శకత్వంలో తెరకెక్కిన సినిమా కావడం గమనార్హం.
తెలుగు ప్రేక్షకులకు పరిచయం ఉన్న నటులు కూడా ఉండటం ఈ సినిమాకు మరింత ప్లస్ అయింది.సోషల్ మీడియా, ట్రోల్స్, బాడీ షేమింగ్ లు, మార్ఫింగ్ ఫోటోల గురించి ప్రధానంగా ఈ సినిమాలో చర్చించారు.
అన్ని వర్గాల ప్రేక్షకులను ఆకట్టుకునేలా తెరకెక్కించడం ఈ సినిమాకు ప్లస్ అయింది.క్రిటిక్స్ నుంచి మంచి రేటింగ్స్ రావడం కూడా ఈ సినిమాకు ప్లస్ అయింది.
లవ్ టుడే తెలుగు వెర్షన్ స్ట్రీమింగ్ డేట్ ను కూడా అధికారికంగా ప్రకటిస్తే బాగుంటుందని మరి కొందరు చెబుతున్నారు.లవ్ టుడే సినిమా కథ అందరికీ తెలిసిన కథే అయితే వీకెండ్ కు మంచి సినిమా చూడాలని అనుకునే వాళ్లకు బెస్ట్ ఆప్షన్ గా నిలుస్తుంది.
పరిమిత బడ్జెట్ తో తెలుగులో కూడా మంచి సినిమాలను తెరకెక్కించే అవకాశం ఉన్నా చాలామంది దర్శకనిర్మాతలు ఈ అవకాశాన్ని సద్వినియోగం చేసుకోవడం లేదు.నేటి తరం ప్రేక్షకులకు నచ్చేలా ఈ సినిమా ఉంది.
లవ్ టుడే రికార్డులను సొంతం చేసుకుంటుందో లేదో చూడాల్సి ఉంది.