సినిమా సినిమాకి గుర్తింపు తెచ్చుకుంటూ మెల్లగా ఒక్కో అడుగు వేస్తూ ముందుకు వెళ్తున్నాడు అక్కినేని యువ హీరో నాగ చైతన్య.ప్రస్తుతం నాగ చైతన్య నటిస్తున్న సినిమాల్లో లవ్ స్టోరీ ఒకటి.
ఈ సినిమాను లవ్ స్ట్రోరీస్ తెరకెక్కించడంలో దిగ్గజ డైరెక్టర్ అయినా శేఖర్ కమ్ముల దర్శకత్వంలో తెరకెక్కుతుంది.ఈ సినిమాలో ముద్దు గుమ్మ సాయి పల్లవి హీరోయిన్ గా నటించడంతో మరింత అంచనాలు పెరిగాయి.
ఈ సినిమా ఎప్పుడో షూటింగ్ పూర్తి చేసుకుని విడుదలకు సిద్ధంగా ఉంది.ఏప్రిల్ 16 నే విడుదల అవ్వాల్సి ఉండగా కరోనా సెకండ్ వేవ్ కారణంగా వాయిదా పడుతూ వస్తుంది.
అప్పటి నుండి ఈ సినిమా కొత్త రిలీజ్ డేట్ మళ్ళీ ప్రకటించలేదు.అయితే ఈ మధ్యనే కరోనా నుండి కోలుకుని థియేటర్స్ ఓపెన్ అవ్వడం తో మళ్ళీ అన్ని సినిమాలు విడుదలకు సిద్ధం అయ్యాయి.
వస్తున్న సమాచారం మేరకు లవ్ స్టోరీ సినిమాను కూడా రిలీజ్ చేసేందుకు మేకర్స్ ప్లాన్ చేస్తున్నట్టు తెలుస్తుంది.తాజాగా వస్తున్న బజ్ ప్రకారం ఈ సినిమాను వినాయక చవితి కానుకగా విడుదల చేసేందుకు రెడీ అవుతున్నట్టు వార్తలు వస్తున్నాయి.అంతేకాదు సెప్టెంబర్ 10 న విడుదల చేయాలనీ గట్టిగానే ప్రయత్నిస్తున్నట్టు వార్తలు వినిపిస్తున్నాయి.
పరిస్థితులు మారకుండా థియేటర్స్ ఓపెన్ ఉంటే మాత్రం లవ్ స్టోరీ సినిమా ఖచ్చితంగా సెప్టెంబర్ 10 న వస్తుందని తెలుస్తుంది.ఒక వేళ కరోనా మళ్ళీ అడ్డుగా వస్తే ఈ సారి ఓటిటీ లో రిలీజ్ అవుతుందని కూడా మరొక టాక్ వినిపిస్తుంది.మొత్తానికి కరోనా కారణంగా సినిమా విడుదల తేదీలు కన్ఫర్మ్ చేయలేక పోతున్నారు మేకర్స్.చూడాలి మరి ఈ సినిమా వినాయక చవితి కానుకగా మన ముందుకు వస్తుందో లేదో.