అక్కినేని నాగచైతన్య సాయి పల్లవి జంటగా శేఖర్ కమ్ముల దర్శకత్వంలో తెరకెక్కిన చిత్రం లవ్ స్టోరీ.ఈ సినిమా ఈనెల 24వ తేదీన ప్రేక్షకుల ముందుకు వచ్చింది.
కరోనా పరిస్థితులను ఎన్నో అడ్డంకులను తొలగించుకుని ఎట్టకేలకు థియేటర్లలో విడుదలైన ఈ సినిమా మొదటిరోజు భారీ కలెక్షన్లను రాబట్టింది.ఈ సినిమా విజయవంతం కావడంతో అక్కినేని అమల ఈ సినిమాపై స్పందించారు.
ఈ సందర్భంగా అక్కినేని అమల నాగచైతన్యకు శుభాకాంక్షలు తెలుపుతూ ట్వీట్ చేశారు.నీ లవ్ స్టోరీ సినిమాకు ప్రేక్షకుల నుంచి వస్తున్న స్పందనకు ఎంతో సంతోషంగా ఉంది.
ఈ సినిమా పాజిటివ్ టాక్ తో మరింత విజయం కావాలని కోరుకుంటున్నాను.ఆల్ ది బెస్ట్ చై అంటూ అమల ఈ సందర్భంగా నాగచైతన్యకు శుభాకాంక్షలను తెలియజేశారు.
ప్రస్తుతం ఈ ట్వీట్ సోషల్ మీడియాలో వైరల్ గా మారింది.
శేఖర్ కమ్ముల దర్శకత్వంలో తెరకెక్కిన లవ్ స్టోరీ సినిమా విడుదలకు ముందే ప్రేక్షకులలో ఎన్నో అంచనాలు పెరిగిపోయాయి.
ఈ క్రమంలోనే ఈ సినిమా ప్రేక్షకుల అంచనాలను చేరుకోగలదన్న సందేహాల నడుమ విడుదలైన ఈ సినిమా బాక్సాఫీస్ వద్ద అద్భుతమైన విజయాన్ని అందుకొని సక్సెస్ ఫుల్ గా రన్ అవుతోంది.ఇందులో నాగచైతన్య రేవంత్ అనే మధ్యతరగతి అబ్బాయి పాత్రలో ఎంతో అద్భుతంగా నటించారు.
ఈ సినిమాకు సాయి పల్లవి డాన్స్ లో మరింత హైలైట్ అయ్యాయని చెప్పవచ్చు.