భారతీయులు విదేశాలలో ఎక్కడ ఉన్నా సరే హిందూ సాంప్రదాయాలని, పండుగలని ఎంతో చక్కగా నిర్వహిస్తూ ఉంటారు.ఆధ్యాత్మక కార్యక్రమాల నిర్వహణని మాత్రం ఎప్పటికప్పుడు పాటిస్తూనే ఉంటారు.
తాజాగా అమెరికాలోని న్యూజెర్సీ లో సాయి దత్త పీటం ఆధ్వర్యంలో ఏక్ మే అనేక్ అనే ఓ ప్రదర్శనని నిర్వహించి ఎంతో మంది సాయి భక్తులని, భారతీయులని ఆకట్టుకున్నారు.ఈ ఆధ్యాతిమిక ప్రదర్శనకి ఎంతో మంది తెలుగువారితో పాటు భారతీయులు కూడా పాల్గొన్నారు.
న్యూజెర్సీ ప్లయిన్ పీల్డ్ లో సాయి సమర్పణ్ బృందం ఈ కార్యక్రమాన్ని ఎంతో వైభవంగా నిర్వహించింది.సహజంగా ఆధ్యాత్మిక కార్యక్రమాలని చాలా తక్కువ మంది హాజరవుతారు,కానీ ఈ కార్యక్రమాన్ని తిలకించడానికి చాలా మంది పోటీ పడ్డారు భిన్నత్వంలో ఏకత్వం.
ఇదే సాయి తత్వం అంటూ ఎంతో హృదయ రంజకంగా ఆధ్యాంతం ఎంతో ఆశక్తిగా సాగింది.వారి నటన తీరు ప్రశంసకుల మన్ననలు అందుకుంది.
సాయి తత్వాన్ని చక్కని భావోద్వేగాల మధ్య సంగీతంతో ఈ బృందం ప్రదర్శించి ఆకట్టుకుంది.హేమాడ్ పంత్ దాభోల్కర్ రాసిన ఈ నృత్యరూపం సాయి భక్తులని భక్తి పారవశ్యంలో మునిగేలా చేసింది.
దేవుడు మనుషుల్లో మావనత్వాన్ని మేల్కొలిపెందుకు మానవరూపంలో మన మధ్యకి వచ్చాడు అనేది ఈ నాటిక ముఖ్య ఉద్దేశ్యం.ఈ కార్యక్రమానికి విచ్చేసిన ప్రేక్షకులు అందరూ సాయిదత్త పీఠం వారిని అభినందించి వెళ్ళడం గమనార్హం.
