టాష్ ఎవాన్స్( Tash Evans ) అనే 21 ఏళ్ల మాంచెస్టర్( Manchester ) మహిళ ఇటీవల లిప్‌స్టిక్ టాటూ( Lipstick Tattoo ) వేయించుకుని షాక్ తిన్నది.జనవరి 18న ఆమె పెదాలకు సెమీ-పర్మెనెంట్ టింట్ కోసం పిగ్మెంట్‌ని ఇంజెక్ట్ చేసే లిప్ టాటూ ప్రక్రియ చేయించుకుంది.
గంటన్నర సేపు ఈ సెషన్ జరిగింది.కానీ, అది మొదలైన వెంటనే ఆమె పెదవులు వాపు రావడం మొదలుపెట్టాయి.
మొదట్లో, మత్తు క్రీమ్ వల్ల వాపు సాధారణమే అని టాష్ అనుకుంది.కానీ అద్దంలో చూసుకున్నాక, తన పెదవులు మామూలు సైజు కంటే ఐదు రెట్లు పెద్దగా బెలూన్‌లా ఉబ్బిపోవడంతో భయపడిపోయింది.
మోన్‌స్టర్స్, ఇంక్ అనే సినిమాలోని ఫంగస్ అనే క్యారెక్టర్‌తో తనను తాను పోల్చుకుంది.
టాష్ ఈ పని చేయించుకోవడం ఆమె తల్లిదండ్రులకు ఏ మాత్రం నచ్చలేదు.“ఇప్పుడు నువ్వు చాలా అసహ్యంగా ఉన్నావు” అంటూ ఆమె తల్లి తిట్టిందట.అంతేకాదు, అసలు నీకు ఇది అవసరమే లేదు అని కూడా తేల్చి చెప్పింది.
ఇక ఆమె బాయ్‌ఫ్రెండ్ అయితే ఆమెను చూడగానే పగలబడి నవ్వాడట.అంతేకాదు, అతను డోర్ కూడా మూసేసాడట.
నిజానికి, టాష్ ఇదివరకే తన పై పెదవి, కింది పెదవి బ్యాలెన్స్ కోసం లిప్ ఫిల్లర్స్( Lip Fillers ) చేయించుకుంది.ఫిల్లర్స్‌తో ఆమెకు ఎలాంటి సమస్యలు రాలేదు.కానీ, ఫిల్లర్స్ వల్ల తన పెదవుల ఔట్‌లైన్ బ్లర్ అయినట్లు అనిపించింది.అందుకే లిప్ టాటూ ట్రై చేసింది.వాపు సాయంత్రానికి తగ్గిపోతుందని టెక్నీషియన్ ఆమెకు నమ్మబలికింది.కానీ అది తగ్గడానికి రెండు రోజులు పట్టింది.
ఆ రెండు రోజులు బయటకు వెళ్లినప్పుడల్లా మాస్క్ పెట్టుకుని తిరిగింది.అదృష్టవశాత్తూ తన బాయ్‌ఫ్రెండ్ పుట్టినరోజు కోసం ఆ రోజు సెలవు పెట్టింది.
ఆ తర్వాత, టాష్ తన ఉబ్బిన పెదవులతో ఉన్న వీడియోను టిక్‌టాక్‌లో పోస్ట్ చేసింది.అది వెంటనే వైరల్ అయి 12 లక్షలకు పైగా వ్యూస్‌ సంపాదించింది.
కొంతమంది యూజర్లు యాంటిహిస్టామైన్లు తీసుకోమని లేదా హాస్పిటల్‌కు వెళ్లమని సలహా ఇచ్చారు.కానీ ఆమెకు నొప్పి ఏమీ అనిపించకపోవడంతో ఎక్కడికి వెళ్లకూడదని నిర్ణయించుకుంది.
ఆమె ఈ పరిస్థితిని ఫన్నీగా తీసుకుంది.తన పోస్ట్ ప్రజలను నవ్వించినందుకు సంతోషించింది.
