సాధారణంగా కాలేజీలకు విద్యార్థులు వస్తారు.పాఠాలు చెప్పడానికి అతిథి లెక్చరర్లు వస్తారు.
కాని ఆకస్మికంగా వచ్చిన ఓ విశిష్ట అతిథి రాకతో ఆ కళాశాలలో కలకలం రేగింది.ఒక్కసారిగా సీసీ కెమెరాల్లో రికార్డయిన సన్నివేశాన్ని చూసిన విద్యార్థులు తీవ్ర భయాందోళనకు గురయ్యారు.
ఇక అసలు విషయంలోకి వెళ్తే చిరుత పులులుఅడవిని వదిలేసి జనావాసాల మధ్య తిరుగుతున్న ఘటనలు చాలా జరుగుతున్నాయి.జంతువులను చంపడం, జనావాసాలలో ప్రవేశించి జనాలను భయభ్రాంతులకు గురి చేస్తున్న సంఘటనలు ప్రతి చోటా ఇలాంటి ఘటనలు చోటు చేసుకుంటున్నాయి.
కర్ణాటకలోని చమరాజా నగర్ ఇన్స్టిట్యూట్ ఆఫ్ మెడికల్ సైన్సెస్ లో ఓ చిరుత హల్ చల్ చేయడం జరిగింది.ఈ తతంగమంతా కాలేజీలోని సీసీ కెమెరాల్లో రికార్డు అయింది.
మొదటగా క్యాంపస్ లోకి ప్రవేశించిన చిరుత పులి స్టాఫ్ క్వార్టర్స్ చుట్టూ తిరగడాన్ని గమనించిన ఓ ఉద్యోగి అందరినీ ఎవరూ బయటకు రావద్దని గట్టిగా అరిచాడు.తరువాత అన్నింటినీ గమనించిన చిరుత తిరిగి క్యాంపస్ క్వార్టర్స్ నుండి అడవిలోకి వెళ్ళిపోయింది.
ఈ వీడియో ఇప్పుడు వైరల్ గా మారింది.ఈ వీడియోను చూసిన నెటిజన్లు ఎక్కడైనా ఎవరైనా ఉన్నారా అనే ఆసక్తిగా వీడియోను తిలకిస్తున్నారు.
