అందాల భామ లావణ్య త్రిపాఠి ప్రస్తుతం వరుస ఫ్లాపులతో గతకొంత కాలంగా ఫేడవుట్ అవుతూ వస్తోంది.ఇటీవల నిఖిల్ హీరోగా తెరకెక్కిన అర్జున్ సురవరం చిత్రం యావరేజ్ హిట్గా నిలవడంతో ప్రస్తుతం ఆమె ఓ సినిమాలో నటిస్తుంది.
యంగ్ హీరో సందీప్ కిషన్ నటిస్తున్న తాజా చిత్రం ఏ1 ఎక్స్ప్రెస్ ప్రస్తుతం శరవేగంగా షూటింగ్ జరుపుకుంటోంది.
ఈ సినిమాలో సందీప్, లావణ్య త్రిపాఠి ఇద్దరు కూడా హాకీ ప్లేయర్లుగా నటిస్తున్నారు.
అయితే లావణ్యకు ఈ ఆట గురించి ఏమాత్రం తెలియదట.తను హాకీ ఆట గురించి వినడమే తప్ప అది ఎలా ఆడతారో కూడా తెలియదని చెప్పుకొచ్చింది.
కాగా తన చిన్నతనం నుండి స్కూల్, కాలేజీలో బ్యాడ్మింటన్ మరియు క్రికెట్ మాత్రమే ఆడేవారని తెలిపింది.ఇక ఈ సినిమాలో హాకీ ఆట ఉండటంతో ఆటకు సంబంధించి చాలా కష్టపడుతుందట.
ఇక ఈ సినిమాలో అమ్మడు ఆర్ఎక్స్ 100 బైక్ కూడా నడిపినట్లు చెప్పుకొచ్చింది.మొత్తానికి సినిమాలో నటించేందుకు తాను కష్టపడి హాకీ నేర్చుకుంటున్నట్లు తెలపడంతో ఆమె ఈ సినిమాలో ఏ రేంజ్లో హాకీ ఆడుతుందో చూడాలి అంటున్నారు ప్రేక్షకులు.
ఇక ఈ సినిమాను డెన్ని్స్ జీవన్ కణుకొలను డైరెక్ట్ చేస్తున్నాడు.