అల్లు అర్జున్ హీరోగా త్రివిక్రమ్ దర్శకత్వంలో రూపొందిన ‘అల వైకుంఠపురంలో’ చిత్రం సంక్రాంతి కానుకగా ప్రేక్షకుల ముందుకు రాబోతుంది.ఈ చిత్రం తర్వాత అల్లు అర్జున్ చేయబోతున్న సినిమాకు సుకుమార్ దర్శకత్వం వహించబోతున్న విషయం తెల్సిందే.
ఆ సినిమాలో అల్లు అర్జున్ పాత్ర ఏంటీ ఎలా కనిపించబోతున్నాడు అనే ఆసక్తి అందరిలో వ్యక్తం అవుతుంది.రంగస్థలం చిత్రంతో దర్శకుడిగా బ్లాక్ బస్టర్ సక్సెస్ను దక్కించుకున్న సుకుమార్ ఈ చిత్రాన్ని చాలా విభిన్నంగా తెరకెక్కించేందుకు ప్లాన్ చేస్తున్నాడట.
విశ్వసనీయంగా అందుతున్న సమాచారం ప్రకారం ఈ చిత్రంలో ఎక్కువ శాతం అడవి నేపథ్యంలోనే ఉంటుందట.పల్లెటూరి కుర్రాడి పాత్రలో బన్నీ కనిపిస్తాడట.ఎర్ర చందనం స్మగ్లింగ్ చేసే లారీ డ్రైవర్గా బన్నీ కనిపిస్తాడని సమాచారం అందుతోంది.మొదట సంఘ విద్రోహక శక్తిగా ఉండే బన్నీ ఆ తర్వాత పోలీసులకు అనుకూలంగా మారి పెద్ద తలకాయలను ప్రభుత్వానికి పటిస్తాడట.
అందుకే ఈ సినిమా కోసం ఒక విభిన్నమైన టైటిల్ను పరిశీలిస్తున్నారు.అతి త్వరలోనే దాన్ని ప్రకటించబోతున్నారు.