పవర్ స్టార్ పవన్ కళ్యాణ్ నటిస్తున్న లేటెస్ట్ మూవీ వకీల్ సాబ్ కోసం యావత్ ప్రేక్షకులు ఎంతో ఆసక్తిగా ఎదురుచూస్తున్నారు.దాదాపు రెండేళ్ల తరువాత పవన్ సినిమాల్లోకి రీఎంట్రీ ఇస్తుండటంతో ఈ సినిమాపై అంచనాలు భారీ రేంజ్లో ఉన్నాయి.
బాలీవుడ్లో సూపర్ సక్సెస్ అయిన పింక్ చిత్రానికి రీమేక్గా ఈ సినిమా వస్తుండటంతో వకీల్ సాబ్ ఎలా ఉండబోతుందా అనే ఆసక్తి సర్వత్రా నెలకొంది.ఇక ఈ సినిమాలో పవన్ లాయర్ పాత్రలో నటిస్తున్న సంగతి తెలిసిందే.
అయితే ఈ సినిమాలో పవన్ యాక్టింగ్ ఓ రేంజ్లో ఉండబోతున్నట్లు తెలుస్తోంది.ముఖ్యంగా సినిమాలోని చివరి 30 నిమిషాలు సినిమాను మరో లెవెల్కు తీసుకెళ్లనున్నట్లు చిత్ర వర్గాల టాక్.
ఈ 30 నిమిషాలలో పవన్ చేసే యాక్టింగ్కు జనం ఫిదా అవుతారని, ఈ సన్నివేశాల్లో మనకు కేవలం చిత్రంలోని పాత్రలే కనిపిస్తాయని, పవన్ అసలు కనిపించడని తెలుస్తోంది.చిత్ర యూనిట్ ఇంత ధీమాగా చెబుతుండటంతో పవన్ యాక్టింగ్ను ఎప్పుడెప్పుడు చూద్దామా అని అందరూ ఎంతో ఆతృతగా ఎదురుచూస్తున్నారు.
వేణు శ్రీరామ్ డైరెక్ట్ చేస్తున్న ఈ సినిమా పూర్తి స్థాయి ఎంటర్టైనర్ మూవీగా రానుండటంతో బాక్సాఫీస్ వద్ద ఈ సినిమా ఎలాంటి రికార్డులను క్రియేట్ చేస్తుందా అని అందరూ ఆసక్తిగా చూస్తున్నారు.ఇక ఈ సినిమాలో పవన్ సరసన అందాల భామ శృతి హాసన్ నటిస్తున్నట్లు తెలుస్తోంది.
కాగా ఈ సినిమాలో నివేదా థామస్, అంజలి కీలక రోల్స్లో నటిస్తున్నారు.మరి ఈ సినిమా ఎలాంటి సెన్సేషన్ క్రియేట్ చేస్తుందో తెలియాలంటే సినిమా రిలీజ్ అయ్యే వరకు ఆగాల్సిందే.