లగడపాటి - కేటీఆర్ లొల్లి: రేవంత్ ట్విట్     2018-12-05   21:19:29  IST  Sai M

తన సర్వే రిపోర్ట్స్ బయటపెట్టి లగడపాటి రాజగోపాల్ తెలంగాణాలో సంచలనం రేపడమే కాకుండా పార్టీల మధ్య తీవ్ర స్థాయిలో మాటల యుద్దానికి కారణం అయ్యాడు. ఇక ఈ విషయంలో అయితే… టీఆర్ఎస్ పార్టీ తీవ్ర విమర్శలు కూడా చేసింది. హరీష్ రావు కేసీఆర్ లాంటి నాయకులు ఈ సర్వేను బోగస్ సర్వేగా తేల్చేశారు కూడా. కానీ తన మీద జరుగుతున్న ఈ ముప్పేట దాడిలో లగడపాటి కూడా స్ట్రాంగ్ గానే కౌంటర్ ఇచ్చాడు. కేటీఆర్ తన మీద చేసిన వ్యాఖ్యలపై లగడపాటి రిప్లై మరో సంచలనం రేపింది.

Lagadapati Ktr War Revanth Reddy Coment On Twitter-

అసలు అందరికంటే… ముందుగా తెలంగాణ లో సర్వే చేయమని చెప్పింది…నియోజకవర్గాల వివరాలు ఇచ్చింది కూడా మంత్రి కేటీఆరేనని లగడపాటి సంచలన ప్రకటన చేశారు. అందుకు సంబంధించి తనకు, కేటీఆర్ కు మధ్య జరిగిన వాట్సాప్ చాటింగ్ ను బయటపెట్టారు. ఈ ఛాటింగ్ పై టిపిసిసి వర్కింగ్ ప్రెసిడెంట్ రేవంత్ రెడ్డి స్పందించారు. తెలంగాణ ఏర్పాటుకు అడుగడుగున అడ్డుపడ్డ లగడపాటితో కేటీఆర్ ఇన్నాళ్లు రహస్య స్నేహాన్ని నడిపినట్లు ఈ ఛాటింగ్ ను చూస్తే అర్థమవుతోందని ఆరోపించారు. తెలంగాణ రాష్ట్రాన్ని అడ్డుకోడానికి శత విధాల ప్రయత్నించి చివరకు తన రాజకీయ జీవితాన్ని కూడా వదులుకున్న వ్యక్తితో కేటీఆర్ స్నేహం చేయడం దుర్మార్గమని రేవంత్ తన ట్వీట్ ద్వారా తేల్చి చెప్పారు.

ప్రకటన : తెలుగుస్టాప్ వెబ్ సైట్ లో పని చేయుట కొరకు అనుభవజ్ఞులైన తెలుగు కంటెంట్ రచయితలు,రాజకీయ విశ్లేషకులు,సోషల్ మీడియా ఫొటోస్/వీడియోస్ అడ్మిన్స్,వీడియో ఎడిటర్,వీడియో మేకర్స్,లైవ్ రిపోర్టర్ లు కావలెను..మీ వివరాలను telugustop@gmail.com కు మెయిల్ చేయగలరు.