లడ్డూ వివాదం : ఆ ముగ్గురికి షర్మిల విజ్ఞప్తి 

తిరుమల శ్రీవారి లడ్డు కల్తీ వివాదం( Tirupati laddu ) ఇంకా ఏపీ రాజకీయాల్లో హాట్ టాపిక్ గానే మారింది.

ఈ కల్తీ వ్యవహారం సుప్రీంకోర్టు వరకు వెళ్లడం , ఈ విషయంలో సుప్రీంకోర్టు తీవ్ర వ్యాఖ్యలు చేయడం,  దేవుళ్లను రాజకీయాలకు దూరంగా ఉంచాలని హితవు పలకడం వంటి పరిణామాలు చోటు చేసుకున్న సంగతి తెలిసిందే.

తాజాగా ఈ వ్యవహారంపై ఏపీ కాంగ్రెస్ అధ్యక్షురాలు వైఎస్ షర్మిల( YS Sharmila ) స్పందించారు.తిరుమలలో కల్తీ వివాదంలో సుప్రీం కోర్టు తీర్పు చూస్తే విచారణకు రాష్ట్ర ప్రభుత్వ పరిధిలోని సిట్ ,  కేంద్ర దర్యాప్తు అవసరమని భావిస్తున్నట్లుగా ఉందని షర్మిల అన్నారు.

లడ్డు కల్తీ విషయం వెలుగు చూడగానే దీనిపై సిబిఐ విచారణ జరపాలని అందరికంటే ముందుగా కేంద్రానికి కాంగ్రెస్ పార్టీనే లేఖ రాసిందని షర్మిల అన్నారు.