న్యాచులర్ స్టార్ నాని హీరోగా వస్తున్న సినిమా టక్ జగదీష్.శివ నిర్వాణ దర్శకత్వంలో ఈ సినిమా రూపొందుతుంది.
వీరిద్దరి కాంబినేషన్ లో ఇప్పటికే నిన్ను కోరి సినిమా వచ్చి సూపర్ హిట్ అయ్యింది.అందుకే ఈ సినిమాపై కూడా అభిమానులు భారీ అంచనాలనే పెట్టుకున్నారు.
ఇప్పటికే ఈ సినిమా నుండి టీజర్ రిలీజ్ అయ్యింది.ఇది ప్రేక్షకులను బాగానే ఆకట్టుకుంది.
శివ నిర్వాణ ఈ సినిమాను ఫ్యామిలీ ఎంటర్టైనర్ గా తెరకెక్కిస్తున్నారు.
ఈ సినిమాలో నానికి జోడీగా రీతూ వర్మ, ఐశ్వర్య రాజేష్ లు హీరోయిన్లుగా నటిస్తున్నారు.
అయితే ఈ సినిమా నుండి తాజాగా ఒక పాటను విడుదల చేసారు.కోలో కోలన్న కోలో కొమ్మలు కిలకిల నవ్వాలి.అంటూ సాగే ఈ పాట ప్రేక్షకులను బాగానే ఆకట్టుకుంటుంది.ఈ పాటను రామ జోగయ్య శాస్త్రి రాసారు.
ఈ సినిమాకు థమన్ సంగీతం అందిస్తున్నాడు.
ఈ పాటకు కూడా థమన్ అద్భుతమైన సంగీతాన్ని అందించారు.ఈ పాటతో ఎంతో మందికి స్ఫూర్తి నింపే విధంగా రామ జోగయ్య శాస్త్రి లిరిక్స్ అద్భుతంగా రాసారు.టక్ జగదీష్ నుండి విడుదలైన మొదటి పాటతోనే నాని అదరగొట్టేసాడు.
ఈ పాట మొత్తం ఫ్యామిలీతో సాగేలా చిత్రీకరించారు.ఈ సినిమాను షైన్ స్క్రీన్స్ బ్యానర్ పై సాహు గారపాటి, హరీష్ పెద్ది సంయుక్తంగా నిర్మిస్తున్నారు.
నాని కెరీర్ లో 26 వ సినిమాగా టక్ జగదీష్ రాబోతుంది.ఈ సినిమాలో జగపతిబాబు, నరేష్, నాజర్, రావు రమేష్ ప్రధాన పాత్రలలో నటిస్తున్నారు.అయితే ఈ సినిమాలో జగపతి బాబు పాత్రలో నెగిటివ్ షేడ్స్ కనిపిస్తాయని ఇప్పటికే తెలుస్తుంది.అయితే ఈ సినిమాను ఏప్రిల్ 23 న విడుదల చేయడానికి చిత్ర యూనిట్ సన్నాహాలు చేస్తున్నారు.