మూడేళ్ల క్రితం ఎలాంటి అంచనాలు లేకుండా తెలుగు తమిళం, కన్నడ, హిందీ, తదితర భాషలలో విడుదలయి బాక్సాఫీసు వద్ద కన్నడ చిత్రం కేజిఎఫ్ ఘన విజయం సాధించిన సంగతి అందరికీ తెలిసిందే.దీంతో ఈ చిత్రం సీక్వెల్ గా తెరకెక్కుతున్న కేజీఎఫ్ చాప్టర్ 2 చిత్రం పై భారీ అంచనాలు నెలకొన్నాయి.
ఇటీవలే ఈ చిత్రానికి సంబంధించిన ట్రైలర్ ను కూడా చిత్ర యూనిట్ సభ్యులు విడుదల చేయగా యూట్యూబ్ లో సంచలనం సృష్టించింది.
అయితే ఈ మధ్యకాలంలో కొన్ని యూట్యూబ్ ఛానల్ సంస్థలు ఏదైనా సినిమాకి సంబంధించిన అప్డేట్లు లేదా ట్రైలర్లు, టీజర్లు, వంటివి విడుదలయితే ఏకంగా వాటిని తమదైన స్టైల్లో ఎడిట్ చేసి యూట్యూబ్లో అప్లోడ్ చేస్తూ సొమ్ము చేసుకుంటున్నారు.
తాజాగా ఓ ప్రముఖ యూట్యూబ్ ఛానల్ కేజీఎఫ్ చాప్టర్ 2 ట్రైలర్ అని థంబ్ నైల్ పెట్టి ఈ వీడియోని అప్లోడ్ చేశారు.కానీ ఇందులో కేజీఎఫ్ మొదటి చాప్టర్ మరియు రెండవ చాప్టర్ ట్రైలర్లను కలిపి హిందీ భాషలో ఎడిట్ చేశారు.
అయితే ఈ ట్రైలర్ విడుదల చేసిన ఐదు రోజులలోపే దాదాపుగా కోటికి పైగా వ్యూస్ వచ్చాయి.దీంతో ఈ ట్రైలర్ చూసిన కొందరు నెటిజన్లు ఇది ఫేక్ ట్రైలర్ అని కామెంట్లను చేస్తున్నారు.
మరికొందరు అభిమానులు మాత్రం ఇలాంటి ఫేక్ ట్రైలర్ల వల్ల అభిమానులు తప్పుదోవ పట్టే అవకాశం ఉందని, కాబట్టి వెంటనే ఇలాంటి వీడియోలను తొలగించాలని అభిమానులు కోరుతున్నారు.
అయితే ఈ విషయం ఇలా ఉండగా ఈ చిత్రంలో కన్నడ స్టార్ హీరో యష్, శ్రీనిధి శెట్టి, సంజయ్ దత్, రవీనా టాండన్, ప్రకాష్ రాజ్, తదితరులు ప్రధాన తారాగణంగా నటిస్తున్నారు.
ఇప్పటికే ఈ చిత్రానికి సంబంధించిన షూటింగ్ పనులు పూర్తయి విడుదల కావాల్సి ఉండగా కరోనా వైరస్ కారణంగా లాక్ డౌన్ విధించడంతో షూటింగ్ పనులు నిలిచిపోయాయి.అందువల్లే ఈ చిత్రం విడుదల మరింత ఆలస్యం అయ్యింది.
దాంతో ఈ చిత్రాన్ని వేసవి కానుకగా విడుదల చేసేందుకు దర్శకుడు ప్రశాంత్ నీల్ సన్నాహాలు చేస్తున్నాడు.