యశ్‌ హీరోగా ప్రశాంత్ నీల్ దర్శకత్వంలో రూపొందిన కేజీఎఫ్ సినిమా సంచలన విజయాన్ని సొంతం చేసుకున్న విషయం తెల్సిందే.రికార్డు బ్రేకింగ్‌ వసూళ్లను దక్కించుకున్న కేజీఎఫ్ కు సీక్వెల్‌ గా కేజీఎఫ్ 2 సినిమా రూపొందుతున్న విషయం తెల్సిందే.
ఇప్పటికే చిత్రీకరణ పూర్తి అయ్యింది.త్వరలోనే సినిమా ప్రేక్షకుల ముందుకు రాబోతుంది.
కేజీఎఫ్ 2 సినిమాకు మొదటి పార్ట్‌ అనేది కేవలం ట్రైలర్ మాత్రమే అంటూ ప్రశాంత్ నీల్ అంటున్నాడు.రికార్డు బ్రేకింగ్‌ వసూళ్లు నమోదు చేయడంతో పాటు ఇండియన్ సినీ చరిత్రలో కేజీఎఫ్ 2 నిలవడం ఖాయం అంటున్నారు.
అలాంటి ప్రతిష్టాత్మక మూవీ లాభ నష్టాలతో సంబంధం లేకుండా తీసుకుని తమ సంస్థ పేరును పెంచాలని చాలా మంది డిస్ట్రిబ్యూటర్లు భావిస్తున్నారు.
కేజీఎఫ్ 2 తెలుగు డబ్బింగ్ రైట్స్ ప్రస్తుతం చర్చనీయాంశంగా ఉన్నాయి.కేజీఎఫ్ 2 షూటింగ్‌ ప్రారంభం సమయంలో దాదాపుగా 50 కోట్ల వరకు పలికే అవకాశం ఉందని అనుకున్నారు.అప్పుడే అదే బిగ్గెస్ట్‌ అమౌంట్‌ అనుకున్నారు.
కాని ఇప్పుడు ఆ మొత్తంకు మరో 20 చేర్చారు.అంటే రూ.70 కోట్లకు కేజీఎఫ్ 2 డబ్బింగ్ ధర పలుకుతోంది.దిల్ రాజు ఈ సినిమా రైట్స్ ను దక్కించుకునేందుకు తీవ్రంగా ప్రయత్నాలు చేస్తున్నారు.
ఇలాంటి పెద్ద సినిమాలను దిల్ రాజు దక్కించుకుంటూ ఉంటారు.ఇప్పుడు అలాగే దిల్ రాజు కేజీఎఫ్ 2 కోసం చర్చలు జరుపుతున్నాడు.
ఈ సమయంలోనే క్రాక్‌ డిస్ట్రిబ్యూటర్‌ వరంగల్ శ్రీను కేజీఎఫ్ డబ్బింగ్ రైట్స్ ను దక్కించుకునేందుకు ప్రయత్నాలు చేస్తున్నాడు.అందుకు సంబంధించిన చర్చలు కూడా జరుపుతున్నాడు.
తనకు ఉన్న పరిచయాలతో దిల్ రాజు కంటే ఎక్కువ ఆఫర్‌ చేసి కేజీఎఫ్ 2 సినిమా డబ్బింగ్ రైట్స్ ను తీసుకోవాలని తీవ్రంగా ప్రయత్నాలు చేస్తున్నాడు.క్రాక్‌ సినిమా సమయంలో దిల్ రాజుకు ఈయనకు వివాదం ఏర్పడింది.
దాంతో ఈయన దిల్ రాజును టార్గెట్‌ చేసి ఆయన సినిమాలను ఈయన దక్కించుకుంటున్నాడు.
తెలుగు వార్త విశేషాలు సులభముగా తెలుసుకోండి!!!!
