ఏపీలో కేసీఆర్ కి పెరుగుతున్న క్రేజ్ ! ఎవరికి లాభం...?

ఏపీ ప్రజలు అంటే నాకు కోపం లేదని ప్రత్యేక హోదా గురించి ఎప్పుడు ఎక్కడ మాట్లాడమన్నా అనుకూలంగా చెప్తానని, అవసరమైతే లెటర్ కూడా ఇచ్చి ప్రత్యేక హోదా కోసం తాను రంగంలోకి దిగుతానని సంచలన ప్రకటన చేసాడు.నేను ప్రత్యేక హోదా అడ్డుపడుతున్నారని చంద్రబాబు అసత్య ప్రచారం చేస్తున్నారని కేసీఆర్ ప్రకటించడంతో ఒక్కసారిగా పరిణామాలు మారిపోయాయి.ఓహో ఇది నిజమేనా కేసీఆర్ ఈ ఏపీ అంటే ఎంత ప్రేమ ఉందా అని సంబర పడ్డారు ఏపీ ప్రజలు.

అయితే ఏపీలో టిఆర్ఎస్ పార్టీ లేదు .ఇక్కడ పోటీ చేసే వాతావరణం కూడా కనిపించడం లేదు.అయినా ఏపీ గురించి కెసిఆర్ తాపత్రయ పడుతున్నట్లు గా కనిపించింది.

తన రాజకీయ విరోధిగా ఉన్న చంద్రబాబు మీద కూడా కెసిఆర్ విరుచుకుపడ్డారు.

దీంతో టిడిపి ఆత్మరక్షణలో పడిపోయింది.కేసీఆర్ వ్యాఖ్యలకు తెలుగు తమ్ముళ్లు కౌంటర్లు వేసినా అవి ఆశించిన స్థాయిలో మాత్రం వర్కవుట్ అవ్వలేదు.

జగన్ కావాలనే తనపై కక్ష కట్టి ఇలా చేయించారని, ఏపీని విభజించిన, పోలవరానికి, ప్రత్యేక హోదాకు కూడా అడ్డుపడిన కేసీఆర్‌తో జట్టుకట్టుకునేందుకు జగన్ ప్రయత్నిస్తున్నాడని బాబు విమర్శించారు.దీనినే ఎన్నికల్లో ప్రధాన అస్త్రంగా మార్చాలని చూసారు.

కానీ కేసీఆర్ ఏపీ స్పెషల్ స్టేటస్ విషయంలో క్లారిటీగా మాట్లాడడంతో జగన్ కేసీఆర్ తో స్నేహ చేస్తే బాబు కి వచ్చిన నొప్పి ఏంటి అనే అభిప్రాయం ప్రజల్లో కూడా వచ్చేసింది.

ఏపీలో కేసీఆర్ కి ముఖ్యంగా… గుంటూరు, కృష్ణా, అనంతపురం, శ్రీకాకుళం, విశాఖ, పశ్చిమ గోదావరి జిల్లాలో ఆదరణ ఎక్కువగా కనిపిస్తోంది.ఈ పరిణామాలు అధికార పార్టీ టీడీపీకి ముచ్చెమటలు పట్టిస్తున్నాయి.ఈ క్రేజ్ అంతా… జగన్ ఖాతాలో పడే అవకాశం ఉంటుందేమో అనే కంగారులో టీడీపీ ఆందోళన చెందుతోంది.

అంతే కాకుండా వచ్చే ఎన్నికల్లో వైసీపీకి అనుకూలంగా టీఆర్ఎస్ అధినేత కేసీఆర్ ప్రచారం చేస్తే… ? అది ఖచ్చితంగా తమ ఓటు బ్యాంక్ మీద దెబ్బ పడుతుంది అని టీడీపీ ఆందోళన చెందుతోంది.ఈ విషయంలో వైసీపీ లో ఎక్కడలేని జోష్ కనిపిస్తోంది.

ఏపీలో కేసీఆర్ క్రేజ్ ఎంత పెరిగితే ఆ క్రెడిట్ అంతా తమ ఖాతాలోకే వస్తుంది అని లెక్కలు వేసుకుంటోంది.