బెంగుళూరులో పార్క్ లో జాగింగ్ చేసుకుంటూ ఉండగా కన్నడ హీరోయిన్ సంయుక్త హెగ్డేని మాటలతో దూషించడమే కాకుండా దాడి చేసిన కాంగ్రెస్ నాయకురాలు కవితా రెడ్డిని బెంగుళూరు పోలీసులు అరెస్ట్ చేశారు.మూడు రోజుల క్రితం పార్క్ లో స్పోర్ట్స్ బ్రాతో జాగింగ్ చేస్తున్న సంయుక్త, ఆమె స్నేహితురాలిపై కవితా దాడి చేసింది.
అందరూ వచ్చే పార్క్ లో ఇలాంటి డ్రెస్ తో ఎలా జాగింగ్ చేస్తారంటూ ఆగ్రహం వ్యక్తం చేసింది.ఇష్టానుసారంగా దూషించడంతో పాటు, సంయుక్త స్నేహితురాలిపై దాడి చేసింది.
ఈ ఘటనని సంయుక్త వీడియో ద్వారా షూట్ చేసి సోషల్ మీడియాలో పోస్ట్ చేసింది.తాము ఎలాంటి డ్రెస్ వేసుకోవాలో కూడా చెబుతారా అంటూ తన ఆవేదనని తెలియజేసింది.
ఈ ఘటనకి సంబందించిన వీడియో వైరల్ కావడంతో చాలా మంది సెలబ్రిటీలు కవితా రెడ్డిపై విమర్శలు చేశారు.
సినిమా వాళ్ళు అందరూ కూడా ఇలా డ్రగ్స్ బానిసలు అంటూ కవితా రెడ్డికి మద్దతుగా సంయుక్తపై దాడి చేశారు.
పోలీసులు అడ్డుకోవడంతో అప్పటికి గందరగోళం తప్పింది.తరువాత సంయుక్త పోలీసులకి ఫిర్యాదు చేసింది.
తరువాత కవితా రెడ్డి వీడియో ద్వారా సంయుక్తకి క్షమాపణలు చెప్పింది.సంయుక్త కూడా ఆమె అంగీకరిస్తున్నట్లు తెలిపింది.
అయితే ఊహించని విధంగా పోలీసులు ఆ ఘటనపై కవితా రెడ్డిని అరెస్ట్ చేశారు.పార్క్ లో జరిగిన దాడిలో కవితా రెడ్డిదే తప్పని నిర్ధారించుకున్న పోలీసులు ఆమెని అరెస్ట్ చేశారు.
మరి ఈ అరెస్ట్ పై సంయుక్త హెగ్డే ఎలా రియాక్ట్ అవుతుంది అనేది వేచి చూడాలి.
.