బుల్లితెరపై మంచి క్రేజ్ లో ఉన్న సీరియల్ కార్తీకదీపం.ఈ సీరియల్ ప్రారంభం నుండి మంచి రేటింగ్ తో దూసుకుపోతుంది.
అంతేకాకుండా విపరీతమైన ఫ్యాన్ ఫాలోయింగ్ కూడా సొంతం చేసుకుంది టీవీ సీరియల్.సామాన్యులే కాకుండా సెలబ్రిటీలు కూడా ఈ సీరియల్ కు బాగా అలవాటు పడ్డారు.
ఇక ఈ సీరియల్ సమయానికంటే ముందే హాట్ స్టార్ లో వీక్షిస్తున్నారు అభిమానులు.ఇప్పటివరకు ఓ రేంజ్ లో రేటింగ్ ను సంపాదించుకున్న ఈ సీరియల్ ప్రస్తుతం రేటింగ్ విషయంలో దారుణంగా పడిపోయింది.
నిజానికి ఈ సీరియల్ కథ విడిపోయిన భార్య భర్తలను కలిసే నేపథ్యంలో సాగుతుంది.ఇక ఈ సీరియల్ మొదట్లో విడిపోయిన కార్తీక్, దీప లు ఎప్పుడు కలుస్తారానని అభిమానులు ఎదురుచూడని రోజులే లేవు.
అలా ఎన్నో ట్విస్ట్ లతో సాగిన ఈ సీరియల్.కొన్ని రోజుల కిందట కార్తీక్, దీప లు కలుసుకున్నారు.ఇక కలుసుకునే సమయంలో ఉన్నట్టుండి రేటింగ్ బాగా పెరిగిపోయింది.అంతేకాకుండా హాట్ స్టార్ లో కూడా వీక్షించే అభిమానులు ఎక్కువయ్యారు.
అలా అంత హై రేంజ్ లో రేటింగ్ పెంచుకున్న ఈ సీరియల్ మళ్లీ చాలావరకు దిగజారింది.కారణమేంటో అందరికీ తెలిసిందే.కలవక కలవక ఎన్నో ఏళ్లుగా ట్విస్ట్ లు ఎదుర్కొని కలుసుకున్న కార్తీక్, దీప లు మరుక్షణమే మళ్లీ విడిపోయారు. మోనిత వచ్చి కార్తీక్ వల్ల ప్రెగ్నెంట్ అని చెప్పడంతో ఈ సీరియల్ ఇక శుభం కార్డు పలకదని అంతేకాకుండా కార్తీక్, దీపలు కలవడం ఇప్పట్లో సాధ్యం కాదని తేల్చి చెప్పేస్తున్నారు అభిమానులు.
దీంతో అభిమానులు కూడా కథను సాగదీస్తున్నారని చూడటమే వదిలేసారు.ఇక ఈ నేపథ్యంలో రేటింగ్ కూడా బాగా దిగజారింది.
25వ వారం లో ఈ సీరియల్ బ్రేక్ పడగా 24వ వారం నుంచి వచ్చేసరికి అర్బన్ లో 17.28 రేటింగ్, రూరల్ లో 17.67 రేటింగ్ వచ్చింది.ప్రస్తుతం 25వ వారంలో అర్బన్ లో 16.99, రూరల్ లో 16.20 రేటింగ్ వచ్చింది.దీంతో గత వారం కంటే ఈ వారం రేటింగ్ మరింత తగ్గింది.ఇక కథను ఇలాగే సాగదీస్తే మొత్తానికి రేటింగ్ లేకుండా పోతుందని అర్థమవుతుంది.