బుల్లితెర రియాలిటీ షో బిగ్ బాస్ కు వివాదాలు కొత్తేం కాదు.ఏ భాషలోనైనా ఈ షోను తిట్టే వాళ్లు తిడుతూ పొగిడేవాళ్లు పొగుడుతూ ఉంటారు.
ఈ షోలో పాల్గొన్న వాళ్లే షోపై నెగిటివ్ కామెంట్లు చేసిన సందర్భాలు సైతం ఉన్నాయి.మూడు వారాల క్రితం గ్రాండ్ గా ప్రారంభమైన బిగ్ బాస్ షో నుంచి తొలి వారం సూర్య కిరణ్ ఎలిమినేట్ కాగా రెండో వారం కరాటే కల్యాణి ఎలిమినేట్ అయ్యారు.
ఎలిమినేట్ అయిన తరువాత ఆమె న్యూస్ ఛానెళ్లకు, యూట్యూబ్ ఛానెళ్లకు ఇంటర్వ్యూలు ఇస్తున్నారు.
ఈ ఇంటర్వ్యూల్లో భాగంగా కీలక వ్యాఖ్యలు చేస్తున్నారు.
తాజాగా ఒక ఇంటర్వ్యూలో గతంలో శ్రీరెడ్డి, గాయత్రీగుప్తా, శ్వేతారెడ్డి, మాధవీలతలంటి హీరోయిన్లు, బిగ్ బాస్ షోపై క్యాస్టింగ్ కౌచ్ ఆరోపణలు చేశారని.ఆ ఆరోపణలు నిజమా.? అని యాంకర్ ప్రశ్నించారు.శ్వేతారెడ్డి, మాధవీలత ఇప్పుడు కూడా అవే ఆరోపణలు చేస్తున్నారని యాంకర్ అన్నారు.
ఆ ప్రశ్నకు సమాధానంగా కరాటే కళ్యాణి ఘాటుగా స్పందించారు. వాళ్లను బిగ్ బాస్ షోకు తీసుకోరని.
అందువల్ల వాళ్లు ప్రతి సీజన్ కు ముందు ఇలాంటి కామెంట్లు చేస్తారని.వాళ్లకు అలాంటి అనుభవం ఎదురైందో లేదో తనకు తెలియదని.
ఈ సీజన్ లో అలాంటిది ఉందని చెబితే మాత్రం వాళ్లను చెప్పుతో కొడతానంటూ సంచలన వ్యాఖ్యలు చేశారు.చేతనైతే ప్రూవ్ చేయాలని.
అర్థంపర్థం లేని ఆరోపణలు చేయడం వల్ల ప్రయోజనం ఉండదని ఆమె అన్నారు. నన్ను ఎవరైనా కమిట్మెంట్ అడిగితే తానే వాయించేదానినని.
షోలో నిజంగా క్యాస్టింగ్ కౌచ్ ఉంటే అక్కడికి వెళ్లి పరువు తీసుకోవాల్సిన అవసరం ఏముందని ప్రశ్నించారు.హీరోయిన్ మాధవీలత చెప్పేది ఒకటని.అక్కడ జరిగేది ఒకటని.ఎవరికో అనుభవం ఎదురైతే అందరికీ అలా జరుగుతుందని అనుకోవడం తప్పని ఆమె అన్నారు.
కొందరు కావాలని బిగ్ బాస్ షోపై బురద జల్లేందుకు ప్రయత్నిస్తున్నారని ఆమె చెప్పుకొచ్చారు.
