మెగాస్టార్ చిరంజీవి చిన్నల్లుడు కళ్యాణ్ దేవ్ హీరోగా తెలుగు సినీ ఇండస్ట్రీకి పరిచయం అయిన సంగతి తెలిసిందే.తోలి సినిమా పర్వాలేదు అనిపించగా తాజాగా రిజ్వాన్ ఎంటర్టైన్మెంట్ సంస్థలో మరో చిత్రం తెరకెక్కిస్తున్న విషయం తెలిసిందే.
దర్శకుడు గా వాసు పరిచయం అవుతున్న ఈ చిత్రం కు సూపర్ మచ్చి అన్న పేరును కూడా ఖరారు చేయగా, ఇప్పుడు ఈ చిత్రానికి హీరోయిన్ గా కన్నడ నటిని తెలుగు తెరకు పరిచయం చేయనున్నట్లు తెలుస్తుంది.తమన్ సంగీతం అందిస్తున్న ఈ చిత్రంలో కళ్యాణ్ సరసన కన్నడ భామ రచితారామ్ నటిస్తున్నట్లు చిత్ర యూనిట్ అఫీషియల్ గా ప్రకటించింది.
ఇంకా ఈ చిత్రంలో సీనియర్ నటులు రాజేంద్ర ప్రసాద్,నరేష్,పోసాని,ప్రగతి తదితరులు కీలక పాత్రల్లో నటిస్తుండగా, దీపావళి సందర్భంగా ఈ చిత్ర ఫస్ట్ లుక్ తో పాటు టైటిల్ కూడా రివీల్ చేసిన విషయం తెలిసిందే.
ఈ నెల 22 నుంచి చిత్ర కొత్త షెడ్యూల్ ప్రారంభం కానుండగా, శరవేగంగా షూటింగ్ జరుపుకోనున్నట్లు తెలుస్తుంది.
షూటింగ్ ను శరవేగంగా జరిపి వచ్చే ఏడాది ఈ చిత్రాన్ని ప్రేక్షకుల ముందుకు తీసుకురావాలని చిత్ర యూనిట్ భావిస్తుంది.మరి ఈ చిత్రం అయినా కళ్యాణ్ కు మంచి బ్రేక్ ఇస్తుందేమో వేచి చూడాలి.
