రాఘవ లారెన్స్ రూపొందించిన కాంచన చిత్రాలు ప్రేక్షకులను విపరీతంగా ఆకట్టుకున్న సంగతి మనకు తెలిసిందే.ఈ క్రమంలోనే కాంచన 3 సినిమాలో నటించిన యువ నటి రష్యన్ యువతి అలెగ్జాండ్రా జావి అందరికీ గుర్తుండే వుంటుంది.
రష్యన్ యువతి అయినప్పటికీ అచ్చ తెలుగు అమ్మాయిగా ఎంతో అద్భుతంగా ఈ సినిమాలో నటించి మంచి గుర్తింపు తెచ్చుకుంది.తాజాగా నటి గోవాలోని ఒక హోటల్ రూమ్లో ఆత్మహత్యకు పాల్పడిందని తెలియడంతో అందరూ షాక్ అవుతున్నారు.
ఇంత చిన్న వయసులోనే ఈ యువతి ఆత్మహత్య చేసుకోవడానికి గల కారణం ఏంటి అని ఈ నటి మృతిపై పలు అనుమానాలు వ్యక్తమవుతున్నాయి.అసలు ఈమె నిజంగానే ఆత్మహత్య చేసుకుందా లేక ఎవరైనా హత్య చేశారా అనే కోణంలో పోలీసులు దర్యాప్తు చేపట్టారు.
ఈ క్రమంలోనే అలెగ్జాండ్రా జావి స్నేహితుల సమాచారం ప్రకారం…జావి ఒక వ్యక్తితో ప్రేమలో పడిందని అయితే గత కొద్ది రోజుల క్రితం తనతో మనస్పర్ధలు రావడం వల్ల తన ప్రేమ విఫలమైందని, ఆ కారణం చేతనే తను పూర్తి డిప్రెషన్ లోకి వెళ్లిపోయిందని తెలిపారు.ఆ ఒత్తిడిని డిప్రెషన్ తట్టుకోలేకే ఈ విధంగా ఆత్మహత్యకు పాల్పడి వుంటుందని స్నేహితులు తెలియజేశారు.
అదేవిధంగా 2019 వ సంవత్సరంలో సదరు నటిపై చెన్నై ఫోటోగ్రాఫర్ తీవ్ర లైంగిక వేధింపులకు గురి చేసేవాడు.
ఈ క్రమంలోనే అతని వేధింపులను తట్టుకోలేక జావి అతని పై పోలీసులకు ఫిర్యాదు చేయడంతో పోలీసులు తనను అరెస్టు చేశారనే విషయం కూడా బయటపడింది.ఈ విధంగా ఆ ఫోటో గ్రాఫర్ వల్ల మళ్లీ సమస్యలు వచ్చాయా? ఆ సమస్యల కారణంగానే ఆత్మహత్య చేసుకుందా అనే అనుమానాలు కూడా వ్యక్తమవుతున్నాయి.
ఏది ఏమైనప్పటికి కేవలం ఇరవై నాలుగు సంవత్సరాలు ఉన్న ఈ నటి ఈ విధంగా ఆత్మహత్య చేసుకోవడం ఎంతో బాధాకరం.ఈమె మృతి చెందిన విషయం తెలియగానే పలువురు షాక్ అవుతున్నారు.ఈ నటి మరణవార్తను వారి తల్లిదండ్రులకు చేరవేసి, ఈమె మృతికి గల కారణాలు ఏంటి అనే కోణంలో పోలీసులు దర్యాప్తు చేపట్టారు.